Wp/kek/Kawilal

Nayeemank naq li xkawilal junaq poyanam, na’ilmank rik’in li xsahilal li xch’ool. Rik’in naq kaw rib’ chi xnumsinkil li kutan. Naq kaw rib’ chi xsik’b’al rib’. Naq nakeenak li raatin. Li poyanam us ta wanq sa’ rajb’al ru, yal b’an naxnaw xk’eeb’al xkawub’l ut saqen chi ru li xyaalalil, ch’olch’o naq a’an jun li poyanam wank xkawilal.

Kawilal

Chan ru xk’utb’al naq wank qakawilal

Sa’ qayanqil, na’ilmank aj wi’ naq li kawilal chi ru junaq poyanam sa’ li xjunxaqalil. A’an jun kawil winq. A’an jun kawil ixq. Jo’ka’an naq nayeemank.

Wank tz’aqal xkawilal qana’ Roos. Nayeemank aj wi’.

Toq’ob’ ru qana’ Tumin, a’an jun kawil ixq. Nayeemank naq junaq poyanam toja’ tk’ul jun li rahilal sa’ xb’een. Nanawmank ru li qana’chin. Nanawmank ru naq tnumsi li rahilal, xb’aan naq wank xkawilal.

Kaw tz’aqal rib’ qawa’ Rob’. Mare li qawa’chin a’in, jwal naxkuy li iiqank. Tikto na’ru li xk’alom. Toj’a naq naxik wi’ chik chi b’atz’unk. Moko ra ta chi ru xb’aanunkil li jalanjalanq chi k’anjel.

Rik’in li xk’utb’esinkil a’in, toja’ naqil li kawilal chi tib’elil.

Chan ru xkawresinkil li qakawilal

Ch’olch’o naq moko yal wank ta yal chi jo’ka’an li kawilal. Naru taataw naq taakawresi aawib’. Naru aj wi’ taatz’eq naq xaakanab’ yal chi jo’ka’an.