Wp/kck/Nti

< Wp‎ | kck
Wp > kck > Nti

Muminda yemiti, nti tjilimo tjakazwilima tjinabhato ndedzitabi dzinamahhani. Kudzimwe ndebo, zila yoleba kuti nti kobvani kolingiwha kuti tjilimo tjinamakwati tjinogala tjikula tjinabulefu kusingalebeke. Miti inohanganisila maphalmu malefu, mabhanana ndemikhomo. Miti inosiyana kwazo, minjinji inoba milefu itihhila hhuba ndedzitabi dzinamahhani makulu. Miti inobe kwelubaka gulefu, imwe inoswika makole anopinda tjiwulu. Miti yatjibe ndemakole anoswika 370 million ilipo. Kokumbuligwa kuti kungabe ndemiti yatjibe ndelubaka ilipo inoswika three trillion.


Unozimbgwa uyi ash (Fraxinus excelsior), nti upabi unamahhani makulu (angiosperm)

European larch (Larix decidua), nti upabi coniferous Inti unadzitabi dzakayelekana dzakabhahwa ndebhato. Bhato lenti linamakwati manjinji anopa nti masimba ndemidzila inosenga kwakasiyana kumilika muntha imwe yenti kuyenda kuyimwe ntha. Miti minjinji inamakwati inohinga setjivikelelo tjenti. Pasi kwenti mumavu, kunamidzi yakapalalana kwazo, ndiyo tshinde lenti, kakale inomwa vula ndezwidlo mumavu. Pehhugwi kwemavu, dzitabi dzikopalalana dzibe dzinjinji ndekunosinhila. Kwasinhila kothama mahhani, anobhata masimba etjedza ekoyintjintja ibe kafu tjemiti kudze ukule kakale upfumile.

Miti inomila ibe minjinji kuhingisiwa mudzi. Maflawa ndemitjelo ingabepo, koga imwe miti inonga khonifa inambewu yebulume ndemudzi. Maphalmu, mabhanana ndemikhomo ndayiyobo inothama mudzi koga miti yefeni inoba ndemaxhakela

Miti inobhatsha kwazo kuti mavu asingudziwhe ndevula kene aphephugwe ndemhepo kakale inolulalmisa pisa kene pota kwehango. Inodusa khabhoni diyosayidi mumkhathi ikopfukamila khabhoni injinji munayiyo. Miti ndehango kotjidza kwazo sebugalo kwezwikokonono ndemhunga ndezwilimo. Hango yeTropical rainforests ndiyo inogala zwikokonono zwinjinji muhango dzose. Miti inobhatsha ndemituzi ndebugalo, mapango anobakisa, hhunhi dzinobesewha dzobhika kene thama moto unodziyiwha, kakale ndemitjelo yekafu ndeyimwe mihingo yakasiyana. Kudzimwe ntha dzehango, miti inotemewha kwazo kutigwa hhula hango yolima ndopfuwha. Ngobe miti inotjila lubaka gulefu kakale inamihingo minjinji, inobhahwa ndekukutu ndezila yakayengemala muzwitjaba zwinjinji. Miti inalungano muhango dzose.