Wp/kck/Milenje yendobolo kuAfrica

< Wp‎ | kck
Wp > kck > Milenje yendobolo kuAfrica

Mizano yeNdobolo kuAfrica inosiyana kwazo mudzihango dzimuAfrica nentha yemilenje ndedzinkolo dzakasiyana. Tjibalo tjebanhu bose bakuAfrica banopinda 1.2 billion mudzihango dzili 52. Bukulu ndesiyana kwemilenje muAfrica kothama kuti mizano yendobolo isifanane ndekunotiwa kundobogwa. Mizano yeNdobolo muAfrica yose inondidzana ndenkolo dzebanhu ndosiyana kwabo. Whalo inoyi The World Book Encyclopedia inoti kuna 40% yebanhu beAfrica banozwidana seMakrestu, kukoti 45% maMuslim. Kogozwa tiwa kuAfrica hanganisa zila yothama zwinu ndenkolo iwhulu ndemilenje yetunhu. Kotikala kumizano yendobolo maIslamic ndeMaKrestu etebela milenje inotiwa mutjitjaba itjetjo, ndekwemabvilo kwenkolo yebugalo gwayipapo. Mtjado tjinhu tjinosusumiwa kwazo muAfrica ngobe unomilidza mihha.Zwitjaba zwinjinji zweAfrica zwogalabgwe kuti ndobolo ndeyobumba tjitjaba kakale ndowondla bana semongo wetjitjaba. Banjinji banodiyiwa kuti bandobolele ludo kene kuti bayezelane.