Wp/kck/Mapfudzi

< Wp‎ | kck
Wp > kck > Mapfudzi

Mapfudzi enhu anamapfupa matatu: kunalinoyi klavikli (pfupa leKhola), scapula (bhandabuko) ndeyumerasi (pfupa lengalo ipehhugwi) kakale kunamisipa, tshinga ndemidzila. Zila yakahanganisiwa mapfupa kumapfudzi anothama hangano yemapfudzi. Hangano yemapfudzi inodangwa kakale iyi hangano yeglenohumeral, ndiyo hangano whulu kumapfudzi koga dziyapo dzimwe dzinohanganisila hangano yeacromioclavicular. Mubumilo gwenhu, hangano yemapfudzi inohanganisila nhungu yembili hhapo yumerasi yakabhatana ndeskapula kukoti n’ holo unogala pehhugwi kwegodi lehangano yeglenoyidi. Mapfudzi igubungano yentha yakunhohanganila mapfupa.

Left shoulder

Hangano yemapfudzi ndiyo hangano whulu kumapfudzi. Ihangano yebhora lina soketi linoyeta kuti ngalo izibe poteleka ndezila yesekhula kene elembeleka pahhe ndapehhugwi kwembili. Hangano yekhapsule inatshinga dzakathamba dzakanamatila hangano inoyi glenohumeral kakale inohanganisa ndesikapula, humerasi nde n’ holo wemabhayisepu. Yakanamatigwa ndenyama nyolo inhehlanana. Kunakunoyi irothetha khafu kunobe kuli gubungano yemisipa mine inobhatsha kuti mapfudzi agale akabhalansa. Misipa ye rothetha khafu inoyi supraspinatus, subscapularis, infraspinatus, nde teres minor. Khafu inobhatana nde khapsule ye glenohumeral ikonamatila mun’ holo we humerali.

Mapfudzi kwakamele akwanise poteleka kwazo kutila kuti ngalo ndemaboko kuwhane zila yoswikilila koga abe ndebhalansi kutila kuti kubvumile zwiyeto zwinonga milidza, sunda ndekweeba.