Wp/kck/Kinshasa

< Wp‎ | kck
Wp > kck > Kinshasa

Kinshasa, yaka idangwa Léopoldville (tjiDutch: Leopoldstad), idoropo gulu kakale linopinda whose matoropo aku Democratic Republic of the Congo. Doropo ileli lakabumbiwa pedlo ndegwizi gunoyi Congo.

Vue Kinshasa

Kwakatonobe ntha yotiya whobe ndetengeselana nhundu dzakasiyana. Kinshasa idoropo ligulu kwazo kwazo linabanhu banjinji banoswika 16 miliyoni. Yakalingana nde Brazzaville, doropo gulu lehango ipedlo yakabakidzana inoyi Republic of the Congo, inobonakala iliseli yegwizi gwakahhulika gunoyi Congo, kobva kuti matoropo makulu eKinshasa ndeBrazzaville ndewhetjibili muhango dzose akasodzelelana etebedzana ndematoropo makulu eRome nde Vatican City. Doropo ligulu le Kinshasa ndelimwe lemadunhu ali 26 ayapo ku DRC. Nentha yekuti doropo leKinshasa lolawhula bugalo gukulu, bunji ke kwemitunhu ipasi kwedoropo ileli gungaswika 90 phesenti gwedunhu gumakanyi kukoti bugalo gwakabakiwa kuli doropo gutukunhunhu koga litjakula liyenda kumahwahhuba.

Kinshasa idoropo letjitatu ndebukulu kuAfrica lotebela Cairo nde Lagos. Kakale ndilo doropo gulu muhango dzose linopinda amwe whose ndemaFrankhofoni (Inopinda Paris ndebunji gwebanhu bose, tjiFrench ndigo lulimi gunohingisiwa ndahulumente, zwikwele, whalo dzendebo, mihingo yetjitjaba ndekumabhizinisi kudoropo. Koga lulimi gweLingala ndigo gunolebhgwa kwazo ndebanhu mudzizila kene mustriti. Frankhofoni Samithi yegole le 2012 yakatigwa ku Kinshasa nde October.

Banhu banogala ku Kinshasa banodangwa beyi Kinois (ndetji French kakale kotikala ndetjiNgisi) or Kinshasans (tjiNgisi). Banhu banogala kuKinshasa ndokozwaligwa ko banohanganisila maHumbu ndema Teke.