BaNambya ludzi gwebanhu banoswika 100,000, banogala kubuNanzwa- Mahwahhuba (North-West) yeku Zimbabwe. Bagele ndebunji gwabo mudoropo kunotshiwa masimbe, linoyi Hwange, lakatongodangwa liyi Wankie. Zina ileli lakabva muzina lahe unokudziwa wayipapo waka edangwa eyi Zhange. Banolebeleka lulimi gwetjiNambya.
BaNambya ndibo banalungano gulefu gogala muntunhu upedlo ndehango yemhuka inoyi Hwange Netjinali Phaki. Phaki iyeyi iwhulu kwazo, kakale ndeyebubili mumaPhaki wose amuAfrica ndebukulu, itebela Kruger Netjinali Phaki yekuAfrica Burwa, inamhuka dzinodan' wa dziyi Big Five game. Hwange inowanika makhilomitha anoswika khulu (100) ubva mudoropo lebezi leVictoria Falls, ku buNanzwa - Mahwahhuba (North-West) yedunhu le buNanzwa yeMatebele (Matabeland North). Kokumbuligwa kuti BaNambya bakabva muludzi gweBaKalanga.
Kokumbuligwa kuti BaNambya bakabva kuLuswingo. Kwakati buMambo gweNzi Mabgwe Nkulu (Great Zimbabwe) gwatjipalala, he unodangwa eyiSahwanga wakafuluka ekandogala kuntha inoyi iDete n' wenu. Kukoti bamwe bekafuluka bekandogala kuntha inoyi Bumbusi. Mikumbulo iyeyi inosimisiwa ndezwibakwa zwinowanikwa ikweno zwinoyendedzana ndezwekuNzi Mabgwe Nkulu (Great Zimbabwe). Banhu banolemekedzewa beBaNambya, banohanganyila David Kwidini, Justice Sansole, Percival Tshakaita, nda Lovemore Zamani Ndlovu.
Kokumbuligwa kakale kuti BaNambya bengabe belibanhu beludzi gweba Lozwi.