Wp/kcg/Si̱pen

< Wp‎ | kcg
Wp > kcg > Si̱pen

A̱byin Si̱pen (Si̱pen: España /esˈpaɲa/; Shong: Spain), ma̱ng a̱lyoot a̱gwomna̱ti ka yet Tyok Si̱pen (Si̱pen: Reino de España; Shong: Kingdom of Spain[1]), yet a̱byin kya di̱ fam a̱byin A̱tak-jenshyung Yurop, ka̱ si̱ byia̱ a̱yaateritori á̱ghyang ba̱ shyia̱ a̱ma̱nyi A̱na̱nwuai Gibra̱lta ka ma̱ng nta khwong kyai a̱sa̱khwot nka ji da̱ A̱gba̱ndang Kyai A̱sa̱khwot Ati̱lantik wu.[1] Teritori vam-a̱byin nka mi̱ Yurop shyia̱ di̱ Li̱m-a̱byin Iberiya hwa a̱wot a̱yaateritori ba si̱ byia̱ susot bibyin a̱ka̱wa̱tyia̱ a̱sa̱khwot sweang: A̱byin A̱ka̱wa̱tyia̱ A̱sa̱khwot nang á̱ ngyei Ka̱na̱ri a̱ni ka̱nang á̱ ghwon khwong kyai a̱sa̱khwot A̱za Afrika hu, ma̱ng A̱byin A̱ka̱wa̱tyia̱ A̱sa̱khwot nang á̱ ngyei Baleari a̱ni di̱ Kyai A̱sa̱khwot Meditaroniya hu. A̱ka̱keang ti̱tamm Afrika á̱si̱ Ceuta, Melilla, ma̱ng Peñón de Vélez de la Gomera[2] si̱ tyia̱ a̱byin Si̱pen ka̱ yet a̱byin Yurop ma̱nyin ka̱ byia̱ a̱yaateritori mi̱ vam-a̱byin Afrika a̱ni. A̱cyuang bibyin a̱ka̱wa̱tyia̱ a̱sa̱khwot ma̱ a̱di̱di̱t di̱ Kyai A̱sa̱khwot Ali̱bora hu ka ngyet kap teritori Si̱pen hu. A̱tsak a̱byin wu byia̱ a̱gi̱gak ma̱ng Kyai A̱sa̱khwot Meditaroniya hu di̱ fam a̱tak ma̱ng a̱tyin; Fi̱ransa, A̱ndora, ma̱ng A̱ngam A̱sa̱khwot Biskaya hu di̱ fam a̱za ma̱ng a̱za-a̱tyin; a̱wot di̱ fam jenshyung ma̱ng a̱za-jenshyung hwa Potugal ma̱ng A̱gba̱ndang Kyai A̱sa̱khwot Ati̱lantik wu nshyia̱ ma̱ a̱ca̱caat.

Tuta Si̱pen
A̱lama a̱byin Si̱pen
Ta̱si̱la a̱byin Si̱pen

Ya̱fang

  1. 1.0 1.1 "Spain | Facts, Culture, History, & Points of Interest" (di̱n Shong). Encyclopedia Britannica.
  2. Morocco World News (29 Zwat A̱ni̱nai 2012). "Spanish Military Arrest Four Moroccans after they Tried to Hoist Moroccan Flag in Badis Island" (di̱n Shong). Morocco World News.