Wp/kcg/Pa̱la̱sti̱n (a̱byin)

< Wp‎ | kcgWp > kcg > Pa̱la̱sti̱n (a̱byin)

'Si̱tet Pa̱la̱sti̱n'
فلسطين, Dawlat Filasṭīn (La̱ra̱ba)

Flag of Palestine.svg Coat of arms of Palestine.svg
State of Palestine (orthographic projection).svg
A̱keangtung
Shi kyai 6 020 km²
Shi á̱niet 5 159 076 ab. (2020)

A̱byin Pa̱la̱sti̱n (La̱ra̱ba: فلسطين, Filasṭīn; Shong: Palestine), á̱ lyen ma̱ng a̱lyoot a̱gwomna̱ti ka nang A̱si̱tet Pa̱la̱sti̱n (La̱ra̱ba: دولة فلسطين, Dawlat Filasṭīn; Shong: State of Palestine) ma̱ a̱nu Muná̱pyia̱ Bibyin Swanta hu ma̱ng susot njhyáng, yet a̱sa̱t a̱byin kya nang á̱ ku la̱p a̱nu á̱ na nwuak a̱ni[1][2] di̱ fam a̱byin Jenshyung A̱siya hu nang Sot-nta̱m Tyei Pa̱la̱sti̱n Sa̱t (STPS) (ku Palestine Liberation Organization (PLO)) ji js nyia̱ tyok tazwa nkaa, a̱wot ji̱ bu yong nyia̱ nfam a̱byin Khwong Jenshyung ma̱ng Tyiang-a̱byin Gaza na yet si̱ nji nia[3] a̱wot a̱keang Urusha̱lima si̱ ka ngyet a̱keangtung á̱zanson nji ka; da̱ a̱kwonu a̱kya, ma̱ a̱tsak a̱lyiat, di̱n kap di̱n kap hwa ji̱ nyia̱ tyok tazwa "bibyin a̱ka̱wa̱tyia̱ a̱sa̱khwot" 167 hu ku shyia̱ di̱ fam Khwong Jenshyung hu, ma̱nang Gaza shyia̱ tazwa tyok a̱fi̱p nji wa nang á̱ ngyei Hamat a̱ni. Neet ma̱ a̱lyia̱ 1948, bibyin ghyáng hwa nyia̱ tyok tazwa a̱mgba̱m kyai a̱byin nang A̱si̱tet Pa̱la̱sti̱n wu yong nyia̱ nggu wa byia̱ nhu, di̱ ntsa hu, a̱byin Ma̱sa̱r (Tyiang-a̱byin Gaza) ma̱ng a̱byin Urdun (Khwong Jenshyung) ma̱ng a̱byin Isi̱rela lilyim Zwang Mmam A̱taa ji ma̱ a̱lyia̱ 1967.[4] A̱byin Pa̱la̱sti̱n byia̱ shi á̱niet 5,051,953 hwa mi̱ di̱ Zwat Sweang 2020, 121 mi̱ swanta hu.[5]

Ya̱fang

  1. Al Zoughbi, Basheer (Zwat Swak ma̱ng Jhyiung 2011). "The de jure State of Palestine under Belligerent Occupation: Application for Admission to the United Nations" (di̱n Shong) (PDF).
  2. "Palestinians win implicit U.N. recognition of sovereign state" (di̱n Shong). Reuters (29 Zwat Swak ma̱ng Jhyiung 2012).
  3. "Ban sends Palestinian application for UN membership to Security Council" (di̱n Shong). United Nations News Centre (23 Zwat A̱kubunyiung 2011.
  4. Tahhan, Zena. "The Naksa: How Israel occupied the whole of Palestine in 1967" (di̱n Shong). www.aljazeera.com
  5. "State of Palestine Population (2020) – Worldometer" (di̱n Shong). www.worldometers.info