Wp/kcg/Moroko

< Wp‎ | kcg
Wp > kcg > Moroko

A̱byin Moroko, (La̱ra̱ba: المغرب, al-maḡrib a̱ fa a̱vwuo ka nang mam kwa̱i a̱ni ku jenshyung hu; Ta̱mazi̱k Kidee Moroko: ⵍⵎⵖⵔⵉⴱ, lmeɣrib; Fi̱ransa: Maroc; Shong: Morocco /məˈrɒkoʊ/), á̱ lyen di̱ yorong ofisha hu nang Tyok Moroko hu (La̱ra̱ba: المملكة المغربية, al-mamlaka al-maḡribiyya a̱ fa Tyok Jenshyung Hu a̱ni; Ta̱mazi̱k Kidee Moroko: ⵜⴰⴳⵍⴷⵉⵜ ⵏ ⵍⵎⵖⵔⵉⴱ, tageldit n lmeɣrib; Fi̱ransa: Royaume du Maroc; Shong: Kingdom of Morocco), kya yet a̱byin ka ka̱ swak di̱ shyia̱ fam a̱byin a̱za-jenshyung fam Maghreb hu ma̱ A̱za Afrika. A̱byin Moroko ka swan nwuan Kyai A̱sa̱khwot Meditaroniya hu di̱ fam a̱za hu ma̱ng Kyai A̱sa̱khwot Ati̱lantik hu di̱ fam jenshyung hu, a̱wot ka̱ si̱ byia̱ a̱gi̱gak a̱byin ma̱ng A̱li̱jiriya di̱ fam a̱tyin hu, ma̱ng teritori Sahara Jenshyung wu nang á̱ kwan tazwa nggu a̱ni di̱ fam a̱tak hu. Ka̱ ma nsak a̱tyem da̱ a̱ka̱keang ti̱tamm Si̱pen á̱si̱ Ceuta, Melilla ma̱ng Peñón de Vélez de la Gomera, ma̱ng a̱cyuang bibyin a̱ka̱wa̱tyia̱ a̱sa̱khwot ma̱ a̱di̱di̱t nang a̱byin Si̱pen kya nyia̱ tyok tazwa nji kpa̱mkpaan ma̱ng khwong kyai a̱sa̱khwot nka hu nyia̱ kikya byia̱ nna.[1] A̱byin Moroko ngaat si̱ tat shi kyai a̱byin kilomita a̱ma̱ntanaai 446,550 (met a̱ma̱ntanaai 172,410) ku kilomita a̱ma̱ntanaai 710,850 (met a̱ma̱ntanaai 274,460), ma̱ng shi á̱niet kpa̱mkpaan miliyon 37. A̱dini a̱gwomna̱ti wu ma̱ng a̱si̱ a̱ swak byia̱ á̱nietkhwi wu wa yet Khwikpaa̱pyia̱, a̱wot lilyem a̱gwomna̱ti hu hwa yet La̱ra̱ba ma̱ng Ta̱mazi̱k; á̱ si̱ ka ndyiat zwalyiat La̱ra̱ba Moroko ji ma̱ng Fi̱ransa koji. Sheda hu ma̱ng Taada Moroko ji yet kyiai taada A̱mazi̱k, A̱la̱ra̱ba, ma̱ng A̱shong ji hwa. A̱keangtung nka, kikya yet Ra̱bat, ma̱nang a̱gba̱ndang a̱keang a̱ swak mi̱sm shi wu wa yet Ka̱sabi̱lanka.[2]

Tuta Moroko
A̱lama a̱byin Moroko
Ta̱si̱la a̱byin Moroko

Ya̱fang

  1. BBC (2008). "Ceuta, Melilla profile" (di̱n Shong).
  2. Jamil M. Abun-Nasr (20 Zwat A̱ni̱nai 1987). "A History of the Maghrib in the Islamic Period" (di̱n Shong). Cambridge University Press. ISBN 978-0-521-33767-0.