Wp/kcg/Mikziko

< Wp‎ | kcgWp > kcg > Mikziko

A̱byin Mikziko (Si̱pen: México /ˈmexiko/; lilyem Nahwa: Mēxihco; Shong: Mexico), á̱ lyen da̱ a̱lyoot a̱gwomnati ka nang A̱yaasi̱tet Muná̱pyia̱ Mikziko, A̱MM ba (Si̱pen: Estados Unidos Mexicanos /esˈtaðos uˈniðoz mexiˈkanos/, EUM; Shong: United Mexican States) a̱ni, yet a̱byin kya di̱ kap fam a̱tak fam a̱byin Amerika A̱za hu. Ka̱ byia̱ a̱gi̱gak di̱ fam a̱za hu ma̱ng A̱yaasi̱tet Muná̱pyia̱; di̱ fam a̱tak hu ma̱ng jenshyung hu ma̱ng A̱gba̱ndang Kyai A̱sa̱khwot Pasi̱fi̱k wu; di̱ fam a̱tak-a̱tyin hu ma̱ng Gwatemala, Beliz, a mbeang Kyai A̱sa̱khwot Karibi hu; a̱wot di̱ fam a̱tyin hu ma̱ng A̱ngam A̱sa̱khwot Mikziko wu. A̱byin Mikziko kup shi kyai a̱byin kilomita a̱ma̱ntanaai 1,972,550 (met a̱ma̱ntanaai 761,610), si̱ ku tyia̱ ka̱ yet a̱byin 13 ka̱ swak ma̱ng shi kyai a̱byin mi̱ swanta hu a̱ni; ma̱ng kpa̱mkpaan shi á̱niet 126,014,024, ka̱ si̱ yet a̱byin 10 ka̱ swak ma̱ng shi á̱niet a̱wot ka̱ si̱ swak ma̱ng á̱niet ba̱ lyiat a̱lyem Si̱pen ka mi̱ swanta hu. A̱byin Mikziko yet a̱si̱ mundundung kya ka̱ byia̱ a̱yaasi̱tet 31 ma̱ng Mexico City, a̱keangtung nka ka ma̱ng metropolit ku swak ma̱ng shi a̱ni. A̱ca̱cet nfam dandi ghyáng ni̱nia yet: Guadalajara, Monterrey, Puebla, Toluca, Tijuana, Ciudad Juárez, ma̱ng León.

A̱yaasi̱tet Muná̱pyia̱ Mikziko
Estados Unidos Mexicanos (Si̱pen)
MEX orthographic.svg
Ta̱si̱la a̱byin Mikziko
Tuta a̱byin Mikziko
A̱lama a̱byin Mikziko

Ya̱fang