|
Ri̱pobi̱lik Mali
République du Mali (Fi̱ransa)
ߡߊߟߌ ߞߊ ߝߊߛߏߖߊߡߊߣߊ Mali ka Fasojamana (Ba̱mba̱ra)
𞤈𞤫𞤲𞥆𞤣𞤢𞥄𞤲𞤣𞤭 𞤃𞤢𞥄𞤤𞤭 Renndaandi Maali (Fula)
جمهورية مالي Jumhuriat Mali (La̱ra̱ba)
|
|---|
|
|
|
| A̱keangtung |
Bamako
|
| Shi kyai |
1 240 192 km²
|
| Shi á̱niet |
20 250 833 ab. (2020)
|
A̱byin Mali (yei Fi̱ransa: /mali/; yei Shong /ˈmɑːli/), á̱ lyen ma̱ng a̱lyoot a̱gwomna̱ti ka nang Ri̱pobi̱lik Mali wu (Fi̱ransa: République du Mali; Ba̱mba̱ra: ߡߊߟߌ ߞߊ ߝߊߛߏߖߊߡߊߣߊ, Mali ka Fasojamana, Fula: 𞤈𞤫𞤲𞥆𞤣𞤢𞥄𞤲𞤣𞤭 𞤃𞤢𞥄𞤤𞤭, Renndaandi Maali; La̱ra̱ba: جمهورية مالي, Jumhuriat Mali; Shong: Republic of Mali), yet a̱byin kya di̱ fam a̱byin Jenshyung Afrika nang bibyin ghyáng keang di̱ tityak a̱ni. A̱byin Mali kya byia̱ shi kyai a̱byin a̱ni̱nai mi̱ Afrika, ma̱ng shi kyai a̱byin ku swak kilomita a̱ma̰ntanaai 1,240,000 ma̱ a̱da̱dei (met a̱ma̱ntanaai 480,000). Shi á̱niet a̱byin Mali yet miliyon 19.1 hwa. A̱wot á̱ ku tyan 67% á̱niet nka ba̱ shyia̱ a̱tafa ndyia̱ 25 mạ a̱lyia̱ 2017. A̱keangtung nka ma̱ng a̱gba̱ndang a̱keang a̱ swak mi̱ shi wa yet Bamako. A̱sa̱t a̱byin Mali byia̱ nfam-a̱byin a̱ni̱nai a̱wot a̱gi̱gak nggu ba di̱ fam a̱za hu ntat ma̱ka̱wa̱tyia̱ Kyai A̱ji̱jak Sahara ka. Kap fam a̱tak a̱byin hu shyia̱ mi̱ Sa̱va̱na Sudan ji ja, nang á̱niet a̱byin ba ma̱ a̱di̱di̱t swat, a̱wot a̱mgba̱m a̱ka̱ghyui Nija ma̱ng Senegal na a̱feang sweap tazwa nkaa. A̱za̱za̱rak nzwa a̱byin wu yong di̱ khap hwa ma̱ng lung a̱tsatsak nfang ma̱ a̱byin. A̱nyiung mi̱ a̱tsatsak nfang á̱na nang a̱byin ka byia̱ a̱ni kya yet zi̱nariya, a̱wot a̱byin kikya si̱ yet a̱tat mi̱ bibyin Afrika ku ghwut ma̱ng zi̱nariya ma̱ a̱byin a̱ni. Ka̱ bu ghwut lyiai nfak ma̱ bibyin nta.
.svg)
