Wp/kcg/Ityopya

< Wp‎ | kcg
Wp > kcg > Ityopya

A̱byin Ityopya (A̱mhara: ኢትዮጵያ, ʾĪtyōṗṗyā; Afar: Itiyoophiyaa; Geez: ኢትዮጵያ; Oromo: Itoophiyaa; Somali: Itoobiya; Ti̱grinya: ኢትዮጵያ; Shong: Ethiopia /iːθiˈoʊpiə/), á̱ lyen di̱ yorong ofisha nang Ri̱pobi̱lik Di̱mokrasi Mundundung Ityopya wu (Shong: Federal Democratic Republic of Ethiopia) a̱ni, yet a̱byin kya nang bibyin ghyáng keang di̱ tityak ka̱ shyia̱ di̱ fam a̱byin A̱ta̱m Afrika hu a̱ni. Ka̱ byia̱ a̱gi̱gak ma̱ng bibyin Eritrea di̱ fam a̱za hu, Jibuti ma̱ng Somaliland[1] di̱ fam a̱za-a̱tyin hu, Somalya di̱ fam a̱tyin hu, Kenya di̱ fam a̱tak hu, Sudan A̱tak di̱ fam jenshyung hu ma̱ng Sudan di̱ fam a̱za-jenshyung hu. Ityopya byia̱ a̱mgba̱m shi kyai a̱byin kilomita a̱ma̱ntanaai 1,100,000 (met a̱ma̱ntanaai 420,000) ma̱ng shi á̱niet ku swak miliyon 117 a̱ni[2] a̱wot ka̱ si̱ yet a̱byin 12 ka̱ lan ma̱ng shi á̱niet mi̱ swanta hu a̱wot ka̱ si̱ yet a̱feang mami Afrika mi̱ shi á̱niet.[3] A̱keangtung a̱byin ka ma̱ng a̱gba̱ndang a̱keang a̱ swak mi̱ shi wu, A̱dis A̱baba, myian kilomita ma̱ a̱di̱di̱t neet di̱ fam Neang A̱byin A̱tyin Afrika hu ku saat a̱byin ka tyia̱ da̱ a̱ka̱gba tektonik Afrika wu ma̱ng a̱si̱ Somali wu a̱ni.

Tuta a̱byin Ityopya
A̱lama a̱byin Ityopya
Ta̱si̱la a̱byin Ityopya

Ya̱fang

  1. "Resolution 1872 (2009)". Adopted by the Security Council at its 6127th meeting (Ed.). UN. ...a̱byin a̱ghyang ka̱ tak a̱pyia̱ nka a̱sa̱t a̱ni a̱wot bibyin nta ghyáng nkyiak nka nang kap a̱byin Somalya hwa a̱ni. Da̱ a̱kwonu a̱kya, a̱gwomna̱ti Somaliland cam a̱lyiat swat a̱sa̱t a̱nia ma̱ng swam.
  2. "Ethiopia Population 2021 (Demographics, Maps, Graphs)" (di̱n Shong).
  3. "Population Projections for Ethiopia 2007–2037". www.csa.gov.et.