Wp/kcg/Eswatini

< Wp‎ | kcgWp > kcg > Eswatini

A̱byin Eswatini (Swati: eSwatini /ɛswáˈtʼiːni/; Shong: /ˌɛswɑːˈtiːni/), á̱ lyen di̱ yei ofisha hu nang Tyok Eswatini hu (Shong: Kingdom of Eswatini) a̱wot á̱ ku yei Swaziland (yei Ntyap: /swádzìlɑ̂ːn/) gbangbang á̱ghyang á̱niet nang A̱shong ba ni̱ ngyei a̱nia ba̱ng si̱ tat a̱fwun bi̱ri̱m ma̱ng shai a̱lyoot ka mbwak a̱gwomna̱ti a̱byin ba ma̱ a̱lyia̱ 2018 a̱ni), yet a̱byin kya ka̱ nwai byia̱ gak ma̱ng kyai a̱sa̱khwot ba di̱ fam a̱byin A̱tak Afrika. A̱byin Eswatini ka byia̱ a̱gi̱gak ma̱ng Mozambik di̱ fam a̱za-a̱tyin hu ma̱ng A̱tak Afrika di̱ nfam a̱za, jenshyung, ma̱ng a̱tak na. A̱byin Eswatini yet a̱nyiung mami a̱cyuang bibyin Afrika hu ka̱ shyia̱ ma̱ng shi kyai a̱byin ku nwai swak kilomita 200 (met 120) kyiak neet di̱ fam a̱za naat a̱tak hu ma̱ng kilomita 130 (met 81) kyiak neet di̱ fam a̱tyin naat jenshyung hu; a̱mgba̰m ma̱ng a̱nia, za̱kwa wun nka ji ma̱ng lili a̱byin hu vwuon ba̱t, kyiak neet di̱ veld-a̱za tsutsok ku shi̱ri̱m a̱ni naat di̱ veld-tsuung ku fi̱ri̱m ku si̱ khwot a̱ni meang.


Tuta Eswatini
A̱lama a̱byin Eswatini
Ta̱si̱la a̱byin Eswatini

A̱bwom a̱byin: "Nkulunkulu Mnikati wetibusiso temaSwati"
("Nwan A̱gwaza, A̱tyunangnda A̱swati ba")

Ya̱fang