Wp/kca/Тәрум ӆор

< Wp‎ | kcaWp > kca > Тәрум ӆор

Тәрум ӆор муйпа Тәрумӆор (рўщ па ӫрн: Нумто) – Хӑнты-Мансийской Автономной округевн Нуви сӑӊхум районӑн вош па ӆор. Тәрумӆор вош Ёмвош округевн Нуви сӑӊхум районӑн вәӆ, ванӑн Ямал-Ӫрн округ оӆӊитӆы. Щи кәртӑн хӑнтэт па юрнӑт вәӆӆӑт. Ӆорн ӆавӑӆман тӑйты тӑхи вєрсы, рўщ щирн «Природный парк «Нумто». Мўӊ кәртэва ӆапӑт и пўш тухӆӑӊ хоп юхтыйӆ, ӆўӊ пурайн мўӊ щи утн ӊхӆўв, тӑӆ пурайн – ӊк ӛш хўват «Буранӑн».

Щӑта 200-250-кєм хӑннєхә вәӆ. Кәртӑн кӑт оӆ и пўш вўӆєӊ ёх вўӆы әх­ӆӑтн кӑсӆӑт. Ӆўӊ пу­райн Тәрум­ӆор воша мойӊ ёх юх­тыйӆ­ӆӑт. Тәрум ӆор – щит похатур сӑмӆ.

Тәрумӆор – щит щимӑщ тӑхи, хута Нўм Тәрум иӆ єсӆӑсӑс. Щи кәртӑн вәӆты ёх вўӆэт ӆа­вӑӆӆӑт, вой па хўӆ веӆ­пӑсӆӑӆӑт. Ӆыв «Буран» нємпи тўтӑӊ хопн ӊхӆӑт. Кәртӑн и ӆапка вәӆ, ӆўв хӑтӆ мӑр муӆты щос рә­питӆ. Кӑт оӆ мӑр и пўш щӑ­та вўӆєӊ ёх кӑсупсы вє­рӑнтӆы. Кәртэв пўӊӑӆн ӆавӑӆман тӑйты тӑхи вәӆ, щи тумпи ванӑн Нумто нємпи ӆор вәӆ. Щи тӑхи мӑӊа тӑйӆы.

Ӆорн ар хўӆ вәӆ, щит ев, сорт па па хўӆӑт. Ванӑн арсыр тухӆӑӊ войт вәӆӆӑт (сот муӆтас арсыр хурас).

Тәрум ӆор сыстам, ӆув эвӑӆтэӆа Надым юхан увӆ. Ӆор кўтупн ай пәхӑр вәӆ, щив шуши мирӑт порєсты ӊхӆӑт.

«Нумто» Увӑс мўвн хӑтӆ омӑсты пє­лӑкн вәӆ. Щи нєм кӑт ясӑӊ эвӑӆт тывӑс – юрн па хӑнты – «Нўм» па «Тәрум», рўщ ясӑӊа ки тулмащтӑты «Божье озеро».