Клещ ай вой пурємӑс ки, хӑннєхә клещевой энцефалит мәшн кӑшаңа йиты вєритӑ. Щит шєңк пӑтап мәш, итәх пурайн хӑннєхә и лота павӑты муй па ӑнтәма йи. Ванкўты клещ ай вой пурємум юпийн 7-14 хӑт мӑр, итәх пурайн 30 хӑт ух кӑшит, хӑннє-хә вевтама ювӑнта, охӑтты вўрат, ӛша-кўра кӑшитӑт. Итәх пурайн хӑннєхә єӑ вєра каврума йи, тәх щосн 38-40 градус вән-ты ювӑнта. Щи тумпийн клещ ай вой эвӑт Лайма нємпи мәшн кӑшаңа йиты щир вә. Щи пурайн ух мәшӑңа йи, є вурты ай утыетн рывы, сӑм хуща муты вевтама рәпит. Тӑм вєр ӑн лекщитты ки, итәх пурайн хӑннєхә ӑнтәма йиты вєритӑ. Ас нопӑтты па лыпӑт тыӑщңӑн мєт ар клещ ай вой вә. Тӑм утӑт навӑртты па пәряты ӑн вєритӑт, ыв юхн па ваншийн омӑсӑт. Хӑннєхә мухты мӑн ки, ыв имухты әмӑтсуха кўншємӑӑт. Леккӑрӑт путӑртӑт, клещ ай вой шиваум па нўх вўюм юпийн йира ёвӑты ӑн рӑх, хушапа пунты па сора пәьницая тәты мос. Вәнта мӑнты пурайн хўв ытовӑң, кӑрӑщ сапӑ лакӑң ернас, хўв кащ, мил, ўйң пос әмӑтты мос. Уха мил муй ухшам пунты мос. Пєңа эвӑт нємасыя пуртәнӑт пӑнӑн тӑйты. Вәнт эвӑт юхи юхтум юпийн әмӑтсухӑт яма нух вантты мос. Хот вой пӑнӑн тәтясты ки, кӑтэт па ампӑт ищи ямсыева вантаты. Клещ ай вой щи тӑхия пурєма, хута хӑннєхәя муй па хот воя авӑрт йира вўты. Щит пӑ хущи, шӑнш, пўкӑн, ух путлаң тӑхийн. Клещ ай вой нынана пурємӑс ки, сора пәь-ницая мӑнаты. Щи тӑхи ат-хӑт рәпит. Леккӑрӑт ясңӑт щирн, мєт оӑң па ям вєр – щит прививка оньщтӑты щир. оньщтӑты вєр юпийн 14 хӑт мӑр вәнта яңхты ӑн рӑх.
.jpg)