A̱kpa̱ndang a̱ yet a̱tuba nu a ryi shim yi cong ndung ni, a̱u du̱kpa̱ndang yet byin na ya mon byi nkyang a yi shai nyai di ba̱yaan ni Ti byyi cet rau ba̱ryyat ka̱myrang bu̱ ba̱yaan au ka̱ccet ndung da̱ ni di na̱won bat du̱twang au ba̱nyet swat ka̱ryi ka̱yring a̱u yya pfwong ka̱rak ka̱yring. Ku̱ byyi cet rau ba̱ryaat ka̱myrang bu̱ ba̱yaan. An tada ba̱yanyet, du̱kpa̱ndang na sshi a̱katyi na̱macwang na̱srong ba̱nyet ba a̱ ya byi a̱ bvo ya cam ni; ba̱yaan a̱ bvo ma̱n byi ba̱rywai ba shii ka̱tswa, ma ka̱yat nba a nbyi a̱nyyi nu a̱ yet a̱tsatsak a̱rywai ni. Ka̱ram ka̱yaan ba na byyi a̱yiyreg a̱yaan da ni di a̱nyaam, nbra̱ng rya bu̱ pffwa nzuk. Du̱rywai bvwon ba̱gungang, ma nkyang n sshi nyyi na ma a nu ryi ni da ni di sshi ndung a̱kpok ka̧̱ram, yya nkyang ndung, bu yya nkyang a nu nok u brang bu̱ ta̱gbak ba̱yaan ni. Ka̱ram ka̱yaan ba̱rywai a̱ na bvwon bu̱ byin nkpa ba nan n hywa di 'a̱kpandang a̱ ran byinʼ,byit ji na bvwa du̱kkwu ryi bvwong ku̱ ba̱kpandang ba byi ka̱ssu bu̱ tswa. Ba̱rami myang, ka yet a̱kpandang ku̱ bvwa du̱kkwu a̱ yet a̱sak. Du̱kpandang yet kyang a ba kan zop u na̱bvwa du̱twang ni, ba wruk bu̱ a̱huhwa a̱nyyi nkyang u a̱ na brang a bvo tot du̱kpandang ni, da ni di ka̱shei ka naat an bvwot u swatka̱sa na ni, cong ndung bu̱ ya yya nkyang ba̱cucrak.