Astronomi æ wijenskåpe som hår å gjøar mæ å observier å bestudier åll fenomen å objekte ujom jåadens atmosfær. Inom dihæer wijenskåp bestudier man så itt bar stjaan å stjaansystem i universe, men å planete, mone å planetoide i wår ien suelsystem.
Uaje astronomi komme fra græsk "astronomia", som æ en sammelsættneng å "astron" (stjaan elle stjaanbille) å "nomos" (lag). Kombinationen å begge øæj så stoe faktisk for å gjie law te stjaan.
Astronomi æ kaski å en å di føaste wijenskåp som praktisiers å menskje. Næsten åll gammel folk gjekk å bestudier objekten å fenomen po nattli himmelen å man ånwenje denhæer information for navigation å lånjbrug. I mång kultur associeres objekte po stjaanhimmelen å mæ gujdommeli saw. Astronomi war begrænse te å observier objekte som man kuj sie mæ blott yeje. Do man pofanj teleskope i renaissance lyepe astronomien en enorm språng å man fekk e bille å hwor man faktisk stuej i universe.