Tekwan adolah makanan khas Palembang, Sumatra Selatan yang tebuat dari ikan dan tepong tapioka. Bentok dari tekwan ko adolaah kecik-kecik dan agak bulat, dan kalau mau makannyo dilengkapi samo kuah, bihun, irisan bengkoang, daun bawang, samo bawang goreng.[1]
Ado banyak kuliner Palembang yang dapat pengaruh kuat dari kuliner Chino. Hal ini karno ado banyak makanan yang mirip dengan makanan Chino. Contohnyo adolah tekwan dan pempek yang jadi makanan paling tekenal di Palembang.[1]
Makanan yang tebuat dari ikan ko mempunyoi raso yang enak. Raso tesebot sebenarnyo dari ikan yang dipakek. Kalau ikan segar yang dipakek, kayak ikan tenggiri, pasti rasonyo lebih enak. Selain itu, ado kuah dari udang yang dicampor samo ikan juga menambah raso dari tekwan itu dewek.[1]
Sejarah
editDipercayo bahwa tekwan ko merupokan makanan yang tercampur dengan makanan Chino. Dulu waktu orang Tionghoa menetap di Palembang, mereka ngasih tau akan makanan khasnyo. Makanan itu tebuat dari daging ikan. Lalu, setelah orang Palembang tau, akhirnyo raso dari makanan tu diubah sesuai dengan lidah orang Palembang.[2]
Asal namo tekwan pun sampe sekarang masih belom pasti. Ado duo pendapat yang berbeda, yang petamo menyatakan kalau tekwan sebenarnyo berasal dari “bekotek samo kawan”. Sedangkan pendapat keduo yaitu katonyo berasal dari bahaso inggris yaitu “take one” yang artinyo adolah ambek sikok-sikok.[2]
Bahan Pembuatan
editBahan tekwan[3]
- 500 gram ikan tenggiri (cincang atau geleng)
- 300 liter aek
- 50 gram poteh telok
- 1 sdm garam
- 5 gram penyedap raso
- 400 gram sagu tani
Bahan kuah tekwan[3]
- 5 liter aek
- 250 gram kepalo udang galah
- 50 gram bawang merah
- 20 gram bawang poteh
- 100 gram udang, cacah
- 50 gram minyak goreng
- ½ sdt lada
- 35 gram gulo paser
- 1 buah bengkoang, eres
- 50 gram jamur kuping kereng
- 100 gram daun bawang
- Bihun atau sohun
- Bawang goreng
- Seledri
Daftar Pustaka
edit- ↑ 1.0 1.1 1.2 Odilia WS (9 Februari 2021). "Resep Tekwan Khas Palembang yang Gurih Segar". Detik.com. Diakses pada 25 Mei 2021.
- ↑ 2.0 2.1 Badan Penelitian Pengembangan dan Inovasi Daerah Pemerintah Provinsi Sumatera Selatan. Makanan Tekwan. Diakses pada 25 Mei 2021.
- ↑ 3.0 3.1 Yuharrani Aisyah (1 Maret 2021). "Resep Tekwan Ikan Tenggiri Khas Palembang Pakai Kuah Kaldu Udang". Kompas.com. Diakses pada 25 Mei 2021.