Mie Celor adolah makanan khas dari Palembang, Sumatra Selatan. Namo mie ko sebenarnyo diambek dari caro memasaknyo yaitu ‘dicelop-celopin’ makonyo dikasih namo celor. Kalau ditengok, mie celor ko mirip samo mie kocok dari Bandung dan mie kopyok dari Semarang.[1]
Mie celor ko udah ado sejak tahun 1953 dan karno rasonyo yang enak tu makonyo banyak turis yang datang untuk menikmatinyo, kayak dari Jepang, Korea, Tiongkok, atau Eropa. Bagi masyarakat Palembang, mie celor ko sering dijadian menu sarapan karano biso sebagai sumber energi untuk di pagi hari.[2]
Mie yang dipakek untuk makanan iko adolah mie telok yang basah. Beberapo penjualnyo ado yang pakek dengan bentok pipih ado jugo yang bentok lidi. Tapi biasonyo kalau penjual di Palembang, mienyo dibuat dewek.[1]
Kuahnyo jugo merupokan ciri khas dari mie celor ko. Kuahnyo bewarno poteh keruh dengan aroma udang yang kuat. Biasonyo mie celor ko disajiin samo dageng ayam, potongan udang, telok rebos, bawang goreng, samo daun kucai untuk menambah selera. Idak jarang jugo orang pakek sambel biak pedas.[1]
Kandungan Gizi edit
Banyak yang percayo kalo mie celor ko punyo banyak kandungan gizi, makonyo dijadikan salah satu menu sarapan di Palembang. Hal iko sebenarnyo karno bahan-bahan yang dipakek mie celor itu dewek. Kayak mienyo yang merupokan sumber karbohidrat samo kayak nasi atau umbi-umbian. Karbohidratnyo jugo didapat dari telok, santan, dan tepong kanji yang merupokan bahan untuk membuat mie celor.[2]
Mie celor ko jugo ado kandungan protein yang berasal dari udang, ayam, dan telok rebos. Kandungan lainnyo kayak mineral, vitamin, samo serat itu didapatin dari toge dan kucai. Togenyo dewek punyo kandungan vitamin C dan E yang biso ngebantu buat ningkatin daya tahan tubuh samo menjago kesehatan kolet.[2]
Daftar Pustaka edit
- ↑ 1.0 1.1 1.2 Lusiana Mustinda (12 Juli 2018). "Dicelup dan disiram kuah kental jadi ciri khas mie celor". Detik.com. Diakses pada 6 Juni 2021.
- ↑ 2.0 2.1 2.2 Winda Oktavia (16 Mei 2021). "4 Keunikan Mie Celor Makanan Tradional Palembang Asal Usul Sampai Gizi". Tempo.co. Diakses pada 6 Juni 2021.