Wp/jax/Harimau Sumatra

Harimau sumatra atau Panthera tigris sondaica adolah kucing yang paling besak di bumi ko. Harimau ko merupokan salah satu dari jenis harimau yang biso betahan hinggo saat iko. Spesiesnyo disebot “Sunda” karno namo ko mencakup ke banyak kawasan biogografi kayak Sumatra, Jawo, samo Bali.

Diketahui kalau jumlah harimau sumatra ko sangatlah dikit, idak sampe 400 ekor dan sekitar 300 ekor ado di penangkaran. Karno dikit nian jumlahnyo, mako harimau ko berstatus kritis atau critically endagered. Hal iko karo banyak nian perburuan yang menyebabkan jumlahnyo makin dikit dan rawan punah.

Bagian dari harimau ko dipercayo biso jadi obat untuk penyakit tertentu makonyo banyak diburu. Sebagian harimau ko mati karno diburu untuk dijual secaro global. Padahal kalau ditengok lebih jaoh, idak ado bukti kalau bagian tubuh harimau ko punyo manfaat. Bahkan banyak bukti yang menyatokan kalo tubuh harimau idak punyo manfaat samo sekali.

Ciri-ciri

• Badannyo lebih kecik dibandingkan dengan harimau kontingental.
• Tinggi dari harimau jantan yang besak biso sampe 60 cm dan panjangnyo dari kepalak sampe kaki biso sampe 250 cm, sedangkan beratnyo sekitar 140 kg. Sedangkan harimau betino panjangnyo kiro-kiro 198 cm dan beratnyo sampe 91 kg.
• Warno dari kulit harimau ko cenderung lebih kalam dibandingkan harimau lainnyo, kunign yang ado biasonyo bewarno kemerah-merahan sampe oren tuo. Gares lorengnyo pun lebih lebar dan dempet-dempet.

Makanan

Harimau sumatra merupokan hewan yang tergolong ke dalam karnivora, makan hampir semuo hewan yang ado baek besak atau kecik. Biasonyo harimau ko beburu waktu malam hari dan dalam seminggu ado perburuan besaknyo. Kecepatannyo dalam belari pun biso sampe 40 mil per jam, dan biasonyo dalam mencari mangsa dio ngintai dulu. Lalu ketiko dio lah siap untuk nerkam, baru langsung diterkam dalam waktu singkat.

Sayangnyo saat iko keadaan idak bepihak samo harimau sumatra. Dio bahkan harus bejalan sekitar 18 mil cuman untuk nyari makan bae. Hal ini karno habitatnyo yang ilang.