Galamai atau Kalami, Gelamai, Calamai adolah makanan ringan khas Payakumbuh, Sumatra Barat yang tebuat dari tepong beras ketan, gulo aren, dan santan. Sekilas, makanan iko mirip samo dodol atau jenang yang jugo tekenal di daerah laen.[1]
Warno dari galamai ko adolah itam mengkilat, bentoknyo yang kenyal, dan rasonyo manis dan goreh. Raso manis dari galamai ko sebenarnyo dari gulo aren yang dipakek. Tapi saat ini, udah ado pulak galamai yang pakek gulo paser, dan rasonyo masih tetap enak. Sedangkan untuk raso gorehnyo dewek itu berasal dari kacang tanah yang udah disangrai.[2]
Makanan manis sikok ni biasonyo dibuat untuk acara-acara tetentu, kayak pesta nikahan atau pesta adat, dan idak jarang pulo waktu mau hari rayo. Galamai idak sering dibuat untuk makanan sehari-hari, karno masaknyo perlu waktu yang lamo. Tapi sekarang kalau orang pengen makan galamai dan idak ado acaro, mereka biso beli bae di pusat oleh-oleh, karno hargonyo pun idak pulak mahal.[1][2]
Sejarah
editGalamai awalnyo berasal dari Payakumbuh. Waktu dulu, ado seorang cewek yang lagi masak di rumahyo. Dio lagi ngadok santan, tebu merah, samo tepung ketan. Waktu dio lagi masak tu, ado tetanggonyo yang datang dan nanyo lagi bikin apo. Dio pakek namo sapai Mai karno Mai atau Amai adolah panggilan untuk perempuan yang lebik besak di Payakumbuh.[3]
Tapi, hal yang idak diinginkan pun tejadi. Masakan yang lagi dibikin tu tumpah dan orang yang betamu tu langsung bilang “kalang mai, kalang mai”. Ternyato artinyo adolah kasih alas buk. Sejak waktu ikolah akhirnyo namo masakan tesebot adolah kalamai. Lalu seiring bejalannyo waktu kalamai beganti namo jadi galamai.[3]
Galamai memang sering disamoin dengan dodol atau jenang, tapi bedanyo adolah di dalam raso galamai itu dewek. Galamai beraso gurih yang didapatin dari kacang tanah yang disangrai. Hal ikolah yang idak ado di dodol atau jenang.[3]
Selain untuk makanan waktu ado acara, sekarang galamai jugo dibuat untuk jadi bekal kalau ado orang Minangkabau yang merantau. Caro nyimpannyo pun unik, yaitu galamai yang udah matang dimasukin ke dalam batok kelapo yang udah dibagi jadi duo. Di dalam batok kelapo ko galamai biso tahan sampe 2 bulan.[3]
Caro Pembuatan
editCaro pembuatannyo adolah masukin gulo aren samo santan di dalam kuali, lalu masak sampe kental. Siapin tepong beras dan campurin tepong dengan sanntan kental yang dari perasan petamonyo. Kalo udah, campurin adonannyo ke adonan gulo aren. Masak galamai sampe kenyal dan bewarno itam. Perlu diketahui kalo masak galamai ko biso sampe empat jam, dan idak boleh berenti diadok samo sekali.[1]
Daftar Pustaka
edit- ↑ 1.0 1.1 1.2 Yudha Manggala P Putra (21 Agustus 2018). "Galamai Si Kenyal Manis Khas Payakumbuh". Republika.co.id. Diakses pada 22 Mei 2021.
- ↑ 2.0 2.1 Rahmadila Eka Putri (22 Januari 2021). "Galamai Dodol Khas Minang". idntimes.com. Diakses pada 22 Mei 2021.
- ↑ 3.0 3.1 3.2 3.3 Rara (26 Februari 2021). "Galamai Si Legit Nan Kenyal Dari Payakumbuh". Langgam.id. Diakses pada 22 Mei 2021.