Wp/jax/Belido

< Wp‎ | jaxWp > jax > Belido

Ikan Belido atau belida atau lopis adolah jenis ikan yang masok ke dalam kelompok Notopteridae (ikan beponggong piso).[1] Ikan sikok ni idop di sungai-sungai yang besak, kayak yang ado di Jawo, Kalimantan, samo Sumatra.[2]

Ikan belido ko merupokan salah sikok ikan yang banyak peminatnyo. Sayangnyo, saat iko idak banyak lagi populasi ikan belido ko. Bahkan, ado peraturan pemerintah yaitu Peraturan Menteri Lingkungan Hidup dan Kehutanan Nomor P.20 Tahun 2018 Tentang Jenis Satwa yang Dilindungi dan jugo Surat Edaran Sekretariat Daerah Provinsi Lampung No.552/3999/V.19/2020 yang ngasih tau kalau seluruh keluargo Notopteridae ko yang tediri dari Belido Borneo, Belido Sumatera, Belido Lopis, dan Belido Jawo adolah ikan yang dilindungi.[2]

Ciri-ciriEdit

  • Berat untuk ikan belido dewasa adolah 1,5 - 1,7 kg.[3]
  • Bentok badannyo pipih dan di perotnyo ado duri.[3]
  • Ekornyo panjang dan banyak sisik kecik yang bebentok sikloid.[3]
  • Bentok rahangnyo panjang dan bahkan sampe ke belakang mato atau bagian bawah.[3]
  • Gigi depannyo diperuntukan untuk menyaring mangsa.[3]
  • Sirip ikan belido temasok dalam sirip yang kecik dan adonyo di ponggong atau perot.[3]

PunahEdit

Spesies Chitala lopis atau Belida Lopis Jawa diketahui idak ditemukan sejak 160 tahun lalu, dan jadinyo dinyatakan punah. Karno kepunahannyo ikolah, mako C Lopis cuman biso ditengok dari dokumentasi yang ado di buku-buku bae.[4]

Penyebab KepunahanEdit

Ado banyak sekali penyebab yang menjadi alasan punahnyo ikan belido ko. Penyebab petamo yang udah diidentifikasi adolah banyaknyo perubahan fungsi lahan di Pulau Jawa teutamo pado kawasan sungai, danau, samo rawa-rawa. Idak itu bae, kegiatan penangkapan yang berlebihan dan jugo tekanan ekologis adolah penyebab lain dari punahnyo ikan belido ko.[4]

Daftar PustakaEdit

  1. Mongabay. Ikan Belida Makin Langka, Mengapa?. Diakses pada 7 Juni 2021.
  2. 2.0 2.1 Dinas Perikanan Tulang Bawang. Ikan Belida Salah Satu Satwa yang Dilindungi Menteri LHK. Diakses pada 7 Juni 2021. Cite error: Invalid <ref> tag; name "Dinas Perikanan Tulang Bawang" defined multiple times with different content
  3. 3.0 3.1 3.2 3.3 3.4 3.5 Panen News. Ketahui Ciri-Ciri Ikan Belida. Diakses pada 7 Juni 2021.
  4. 4.0 4.1 CNN Indonesia. https://www.cnnindonesia.com/teknologi/20210127135752-199-599055/fakta-ikan-belida-lopis-jawa-endemik-ri-yang-kini-punah Fakta Ikan Belida Lopis Jawa Endemik RI yang Kini Punah]. Diakses pada 7 Juni 2021.