Badak sumatra atau badak berambot atau badak Asia becula duo (Dicerorhinus sumatrensis) ko merupokan spesies langka dari famili Rhinocerotidae dan ado di Sumatra dan banyak ado di Lampung. Badak iko adolah badak yang spesial karno cuman dio yang biso betahan sampe sekarang dari genus Dicerorhinus dan masok ke dalam salah sikok dari limo spesies yang masih ado di dunia.[1]
Saat iko status dari badak sumatra adolah kritis (critically endangered) menorot International Union for Conservation of Nature (IUCN) ontok Konservasi Alam. Jumlahnyo pun sekarang idak sampe 100 ekor, bahkan di bawah dari 80 ekor.[1]
Badak merupokan hewan peregenerasi hutan karno dio merupokan hewan yang makan pocok-pocok daon mudo. Pocok yang dimakannyo ko bakalan jadi daon mudo yang baru. Selain itu, badak jugo sebagai agen penyebar benih dari bijik-bijik hutan yang melekat di badannyo.[2]
Ciri-ciri edit
- Punyo banyak rambot dibandingkan sub-spesies badak lain di dunio, sehinggo sering disebot sebagai hairy rhino (badak berambot).[3]
- Punyo telingo yang besak.[3]
- Warno kulitnyo coklat keabu-abuan atau kemerahan, dan sebagian besak kulitnyo ditutupi samo rambot.[3]
- Punyo kerutan di sekitar matonyo.[3]
- Punyo duo cula. Panjang dari cula depan sekitar 25-80 cm, sedangkan cula belakangnyo lebih pendek dan idak lebih dari 10 cm.[3]
Daftar Pustaka edit
- ↑ 1.0 1.1 Ellyvon Pranita (23 September 2020). "Badak Sumatera Kritis, Berikut Upaya Penyelamatan Populasi Satwa Asli". Kompas.com. Diakses pada 18 Mei 2021.
- ↑ Ellyvon Pranita (24 September 2020). "3 Alasan Mengapa Perlu Menjaga Populasi Badak Sumatera Asli Indonesia". Kompas.com. Diakses pada 18 Mei 2021.
- ↑ 3.0 3.1 3.2 3.3 3.4 World Wide Fund for Nature. Badak. Diakses pada 18 Mei 2021.