ڈنڈا پیر۔۔ رچناوی مائکرو فکشن
بینر بہ شکریہ الیاس گوندل
کاٹن فیکٹری دے کھل بنولے والے حصے وچ اج مذہبی بحث زوراں دی ہوئی۔
موضوع قبر اچ زندگی ؟؟
سارے دوستاں زور شور نال حدیثیں تے قرآن دے وچوں ثبوت دیونے شروع کر دتے۔
شہید زندہ ہوندن۔ وقتلوا فی سبیل اللہ،
اے قرآن دی فلانی آیت ویکھو
دوجھے بند ے آکھیا ،
مرن آلے مردہ ای ہوتے ہیں ایہ قرآن اچ ثابت اے۔۔۔
کل من علیھا فان۔
حدیث میں۔۔
زیارت قبور کرن والےپر سلام واجب ہے۔
پہلے والے آکھیا۔
حدیث دی فلاں مشہورکتاب وچ انہیں مردہ آکھیاگیا اے۔
دوسرے والے نے حجت تمام کر دتی۔
جداں پہلے قرآن آلیاں دوجھے نوں ویکھیا اے بندہ ساڈی گل نئیں من رہیا تے نالے ساڈے ہتھیں وی نئیں آ رہیا تے اوہ جذباتی ہو گئے ،
وت اوہ زور زور نال آکھن لگ پئے۔۔
اے تے ساڈے وڈیریاں نوں مردہ آکھ رہیا اے۔
نعوذبااللہ ، نعوذ باللہ
بشکے نائی۔ اپنا استرا لہرایا۔
نذیر ے فوجی قینچی چا لئی۔
کجھ لوکاں ڈنڈے سوٹے لہراونے شروع کر دتے۔
اگےاگ تے پچھےکدھ۔۔۔
مختلف آوازاں آونیاں شروع ہوئیاں۔۔۔۔۔
ساڈے اگلے وی زندہ ہین تے تینوں اسی دسنے آں کہ اسی وی زندہ ہاں۔۔۔
تیرے ورگے مردار جیندے وی مرے ای ہوندن تے مر کے وی مٹی ہو جاندن۔۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نورے مستری دا پتر جیہڑا فیکٹری دے وچ گاڈ ہے تے ہر وقت مچھاں نوں مروڑا دے کے رکھداے۔ چنگا بدمعاشڑا چھوہر مشہور ہے۔ سارے علاقہ آلے اوس نوں مشکی نانگ آکھدے ہن۔
ساری صورت تے حال نوں ویکھ کے اگاں ودھیا ۔
اوے کمینیو۔۔۔
ایدھر آؤ میں ویکھداں کیہڑا کیہڑا زندہ اے توہاڈے چوں۔۔۔
خبردار ۔ جس نے اب شیطانی کرن دی کوشت کیتی ،۔میں فائر مار دیساں۔ اے آکھ تے اس نے اپنی بندوق سدھی کر لئی۔
ساریاں نوں سپ سنگھ گیا۔۔ ہک ہک کر تے سارے اتھوں تلک گئے