عاقب ستیانوی جٹکی زبان دا شاعر ہے. اِس نامور شاعر دا تعلق ستیانہ، کھیوہ ستیانہ ضلع جھنگ نال ہے
خدمات
edit- لوک وِراگ تہاڈا نویکلہ یوب ٹیوب چئینل
- لوک وراگ آرٹ کونسل ہال تے لائیبریری
- ٹیلی فلم " کھوتا کھوہ اچ" ہاسیاں دے کڑکار اچ ہک کَوڑا سچ
نمونہ کلام
editچو مصرعہ ( ہک ضِدی ویر دےناں)
ویہڑے دے وچ کدھ نہیں چنگی ۔ سوہنیا آکھے لگ
امدیاں نسلاں تیک اپڑسیں ۔ نفرت دی ایہہ اگ
ساجھی جنگ اِچ دُکھاں اگوں ۔ جے نہ سگیں تگ
تینوں رنگلی شال مبارک ۔ سانوں ساڈی پگ
عاقب ستیانوی
چو مصرعہ
editکِنانہہ دی سوچ توں چنگے ، کِنانہہ دے خاب توں کسرے..
مِرے اکھراں نوں پر دِتے ، خُدا سُرخاب توں کسرے.
میں محنت کرکے کھاندا ہاں ، کِسے دا حق مریندا نہیں.
مِرے ہتھاں دے چھالے ہِن ، تِرے محراب توں کسرے...
دوہڑہ
editتیلی بال کے ونڈ تے نفرت دی ۔ اگ لا نئیں آس امنگ نوں
کیوں بھرم ونجاؤں ایں وینی دا ۔ ہتھیں بھن کے صِدق دی ونگ نوں
سُچی ساجھ چنہاں تے جہلم دی ۔ کُجھ سوچ پُرانے سنگ نوں
آ " عاقب" رل کے دفن چاء کریے ۔ اِس پار اُروار دی جنگ نوں
عاقب ستیانوی
نظم۔ (مُڈھ)
editاِس دھرتی دے سینے اُتے . صدیاں دا ہِک جھاڑ۔۔
جِتنا سوہنا اُتنا سگھنا۔ اُچا وانگ پہاڑ۔۔
پنج دریاواں دریاواں پانی دے کے ۔ چاڑیا اے پروان۔
اکھراں وچ میں دس نہیں سگدا ۔ کی اے اِس دی شان ۔۔
پہلا پہلا مالی اِس دا ۔ گنج شکر سرکار ۔۔
سائیں حیدر مُلتانی اِس نوں بخشی موج بہار۔۔
راکھا اِس دا میاں محمد ۔ راکھا شاہ حسین۔۔
وارث شاہ دے ہاں دا ٹھارا ۔ بُلہے دا سُکھ چین۔۔
بن کے سچا سیوک اُس دا کیتا کرم مذید
سوہنے کوٹ مٹھن دے والی پیر غلام فرید
ہاشم شاہ تے مہر علی وی ۔ آن بنے نگران۔۔
ککھ وی اِس دا بھُرن نہ دِتا ۔ عارفاں دے سُلطان۔۔
مُڑ ہِک اِنج دا ویلا آیا ۔ تَرُّٹ گئے اِس دے مان ۔
نِبھیاں گھڑیاں نال کھڑّی گئ اِس دی جان
سنجان۔
ہیکِڑ دوکِڑ کر کے ٹُر گئے ۔ اِس دے خِدمتگار۔۔
کھا گئ اِسدے سائیاں نوں بس ۔ ان پڑھیائ دی مار۔۔
آسیوں پاسیوں آن
کے لوکی ۔ وسے اِس دے ہیٹھ۔۔
ویچ کے اِس دا پھل منڈیاں تے ۔ بن گئے وڈے سیٹھ۔۔
اپنی اپنی ٹاہنی مل کے ۔ کر بیٹھے تفریق ۔۔
عاقب" اصل حقیقت کی اے ۔ کون کرے تصدیق۔۔؟
اِس دے "مُڈھ" دا ناں پنجابی ۔ بھُل نہیں کہیں نوں بھور۔۔
ناں دے بھُکے رکھی جاندن ۔ لگراں" دے ناں ہور۔۔
عاقب ستیانوی
اسیں واسی دیس پنجاب دے
editاسیں واسی دیس پنجاب دے ۔ ساڈا وِرثہ لوک وِراگ
اسیں بولی باہو دی بولدے ۔ سانوں پیر فرید دی جاگ
اسیں سَچے قول قرار دے ۔ ساڈی سِدھی صاف دلیل
ساڈا کہیں نئیں جھیڑا جھیڑیا ۔ اسیں اپنے آپ وکیل
اساں راتاں کٹیاں جاگ کے ۔ سانوں ہَسیاں ہو گئے سال
ساڈے اج وی کچے کوٹھڑے ۔ ساڈا اج وی راہ تے مال
اساں روگ پرایا پالیا ۔ ساڈی کہیں نا سمجھی نیک
سانوں اُس وی سَدیا جانگلی ۔ اساں دِتی جِس نوں ٹیک
اجیں پی کے کَنگوں گھاٹیاں ۔ ساڈے سُتے پئے پَردھان
اجیں چھوت چَھپتِن کھیڈدے۔ساڈے گھبھرُو شیر جوان
جداں جَٹکی وَسوں جاگسیں۔ساڈی جَگ تے ہوسیں ٹھاٹھ
ساڈے وَیری کمبسن خوف توں ۔ انج بدلے لیسن راٹھ
جیویں مہر مراد دَلَیل دے ۔ لیا احمد خان دا وَیر
اِنج ویہڑیا جَٹ انگریز نوں ۔ نا چاون دِتا پَیر
اساں کالا پانی بھوگیا ۔ نئیں مُڑ وی منی ہار
اسیں پِرمی اپنے دیس دے ۔ سانوں رہتل نال اے پیار
اساں دیوا سِک دا بالیا ۔ اساں ویکھے سُکھ دے خاب
ساڈی "عاقب" جھوک رنگیلڑی ۔ شالا وسے دیس پنجاب
……………عاقب ستیانوی
غزل
editکہیں ایلے آو ہاہ ، اجیں مصروف ہائیں
دُکھڑے ونڈاو ہاہ ، اجیں مصروف ہائیں
تاہنگ رکھی ہوئی اے ، کہیں تینوں آکھیائے؟
ہُسڑاں مِٹاو ہاہ ، اجیں مصروف ہائیں
بودیاں دے یار ہائیں ، ہاہ سانوں یاد اے
لگیاں نبھاو ہاہ ، اجیں مصروف ہائیں
اکھیاں اداس ہن ، ساڈا کہڑا جرم اے؟
مُکھڑا وِکھاو ہاہ ، اجیں مصروف ہائیں
عاقب آں سنجاتا نیہہ ، اچھا اچھا توں ایں؟
کسے کدھی لاو ہاہ ، اجیں مصروف ہائیں
عاقب ستیانوی