حکومت بلوچستان نے گوادر نوں جنوبی بلوچستان دا دارالحکومت بنڑاونڑ لئی گوادر وچ سرکاری ریسٹ ہاس کرائے تے لے لیا۔ سول سیکرٹریٹ لئی گوادر پورٹ اتھارٹی دے ریسٹ ہاس نوں ماہانہ لکھاں روپے دے عوض کرائے تے لے لیا گیا اے جیندے تے گوادر پورٹ تے حکومت بلوچستان دے مابین معاہدے تے دستخط وی کر دتے گئے ہن۔ ریسٹ ہاس دی تزئین و آرائش لئی لکھاں روپے خرچ کیتے جاسن جبکہ ملازمتاں لئی بھرتیاں دا وی آغاز کر دتا گیا ہے۔ جنوبی بلوچستان دے دارالحکومت کیتے جی پی اے دے جیہڑے ریسٹ ہاس کوں کرائے تے گھدا گیا ہے اوندے وچ تقریباً ویہہ دے قریب کمرے ہوسن۔ حکومت بلوچستان تے جی پی اے دے مابین طریقہ کار طے کر دتا گیا ہے۔ دوجھی جانب سرکاری سطح تے اس چیز دی وضاحت نئیں ہو سگی کہ وزراء کتھے رہائش کرسن۔ جی پی اے دا ریسٹ ہاس صرف سول سکرٹریٹ لئی ہوسی یا وزراء تے انہاں دے جملہ سٹاف دی رہائش لئی وی؟ اے مسئلہ حالی تک معمہ بنڑیا ہویا ہے۔