Wp/isv/Вино

Вино јест алкохолны напој издєланы из квашеных плодов. Најчестєје дља вина изкористајут гроздје, але такоже бывајут вина из иных плодов и јагод.

Хисторија

Најдавнєјши доказы изтворјенја вина је были најдены в Јужном Кавказе и односити се к VI тысечлєтју до н.е., к Шулавери-Шомутепинској културе, ктора је была разпрострањана на територији сучасных Грузији, Арменији, Азербајджана и Турцији. Хемична анализа налета на глинєных судов тој културы је потврдила же там хранивши се квашены сок гроздја. В рапорту года 2003 археологи утврджајут, же в VII тысечлєтју до н.е. в Китају вєројетно бєху мєшали рыж с гроздјами дља изработанја квашеного напоја.