Wp/isv/Pismo

Pismo jest sistema znakov za zapis i prědavanje informacije; jedna iz form jestvovanja jezyka.

Jedno iz različij medžu pismom i inymi sistemami znakovoj komunikacije jest svez s někakym (-ymi) jezykom (-ami) i s ustniju rěčju v tutom (-yh) jezyku (-ah).

Za zarodženje i jestvovanje pisma jest potrěbno:

• prinajmenje jedna sbirka bazovyh simbolov;
• prinaimenje jedna sbirka pravil (ortografija);
• prinajmenje jedin jezyk, koristajuči tutu sistemu.

Etapy obrazovanja pisma

Piktografično pismo

Starokitajsky hieroglif "solnce" (1200 do n. e)

Piktografično pismo bylo pismo s koristanjem shematičnyh izobraženij objektov. Napr., pojetje "solnce" pisali kako izobraženje solnca. Ale piktografično pismo ne moglo zadovoliti vse nudži s razvojem abstraktnogo mysljeńje, i togda javilo se hieroglifno pismo.

Hieroglofno pismo

Kitajsky hieroglif "solnce"

Pomimo obyčnogo značeńja, znak v hieroglinom pismu imaje takož prěnosno: napr., kitaisky hieroglif "solnce" takož imaje značenja "denj".

Hieroglifno pismo imalo 2 osnovnyh minusy:

1. odsutsuvo svezi medžu ustnoju rěčju i pismom (tuto tvori nezavisnost razvoja pisma od rěci, a takož trudnost učeńja gramotnosti);
2. v jezykah s izměnjeńjem slov jest potrěbno koristańje dodatnyh simbolov.

Slogovo, konstantno i alfabetno pismo

Iz hieroglifnogo i piktografičnogo pisma razvili se slogovo i konstantno pismo.

Katakana

Slogovo pismo jest sistema, kde každy znači slog. Najznajemymi slogovymi pismami možno nazvati potomkov šumerskoj klinopisi (staropersijsko, akadsko i ine) i japonsko slogovo pismo (katakana i hiragana).

Konstantno pismo jest pismo, kde osnovne znaky označajut suglasky. Najstarym kontantnym oismom možno nazvati finikijsko pismo, iz ktorogo izošli arabsko, jevrejsko i ine konstantne pisma, a takož grěčsky alfabet.

Iz grěčskogo alfabeta sut izošli mnoge ine alfabetne sistemy, vključno kirilicu i latinicu. V alfavitnom pismu koristajut znaky za osnovne zvuky.

Vidy pisma

1. Piktografičny (svez znaka i objekta)
2. Hieroglifny (svez znaka i smysla)
3. Fonetičny (svez znaka i zvukov)
   1. Slogovo pismo (svez znaka i sloga). Razděljajut:
      1. čisto slogovo (každy slog imaje svoj unikalny znak)
      2. abugida (každy slog imaje znak, ktory jest modifikacija něktorogo bazovogo za suglasku)
   2. Konstantno pismo (osoblive znaky imajut suglasky, a samoglasky ili ne označajut, ili označajut diakritičnymi znakami)
   3. Alfabetno pismo (každy (ili bez malogo každy) zvuk imaje svoj znak)