Wp/isv/Partija truda (Niderlandy)

Partija truda

Partij van de Arbeid (PvdA)

Politična partija v Niderlandah
Ideologija	socialdemokracija
Vodž	Frans Timmermans
Prědsědatelj	Esther-Mirjam Sent
Založenje	1946
Členstvo	43.675 (1 januara 2024 g.)
Členi v Izbě deputatov	25 / 150 (zajedno s Zelenoju lěviceju)
Členi v Senatu	14 / 75 (zajedno s Zelenoju lěviceju)
Členi v Evroparlamentu	4 / 31
Medžunarodna organizacija	Partija evropejskyh socialistov (PES), Progresivny alians
Mladežna organizacija	Mladi socialisti (JS)
Kolory partije	črveny
Glavno sědališče	Leeghwaterplein 45, Den Haag
Služebny vebsajt	pvda.nl

Partija truda (nid.: Partij van de Arbeid, PvdA) jest socialdemokratična partija v Niderlandah.

Historija

Partija byla založena v 1946 g., kratko poslě Vtoroj vsevětskoj vojny, na osnově treh prědvojennyh progresivnyh partij: Socialdemokratičnoj rabotničskoj partije (SDAP), Liberalno-demokratičnoj svezi (VDB) i Hristijansko-demokratičnoj unije (CDU. Za vlad premier-ministra Willem Drees (1948–1958) ona igrala ključnu rolju v poslěvojennoj prěbudově kraja, a kromě togo založila podstavy za niderlandskoj sistem socialnogo strahovanja.

Pozdněje PvdA učestvovala v niderlandskyh vladah v lětah: 1965–66, 1973–77, 1981–82, 1989–2002, 2007–2010 i 2012–2017.

Od 2022 g. PvdA tvori obču grupu s Zelenoju lěviceju v niderlandskom senatu, tako nazyvajemoj Prvoj izbě, od 2023 g. takože v dolnoj izbě, tako nazyvajemoj Vtoroj izbě. Vodžem partije jest od 2023 g. byvši evrokomisar i byvši ministr vněšnjih děl, Frans Timmermans.

Rezultaty v izborah

Rezultaty PvdA v parlamentarnyh izborah od 1946 g. (čislo izbranyh deputatov v Vtoroj izbě).

Spisok vodžev partije

Lider partije			od / do
		dr. Willem Drees (1886–1988)	9 fevruara 1946 — 22 dekembra 1958
		Jaap Burger (1904–1986)	22 dekembra 1958 — 16 septembra 1962
		dr. Anne Vondeling (1916–1979)	16 septembra 1962 — 13 septembra 1966
		Joop den Uyl (1919–1987)	13 septembra 1966 — 21 julija 1986
		Wim Kok (1938–2018)	21 julija 1986 — 15 dekembra 2001
		Ad Melkert (1956)	15 dekembra 2001 — 16 maja 2002
		Jeltje van Nieuwenhoven (1956)	16 maja 2002 — 12 novembra 2002 (dočasno)
		Wouter Bos (1963)	12 novembra 2002 — 25 aprilja 2010
		Job Cohen (1947)	25 aprilja 2010 — 20 fevruara 2012
		Diederik Samsom (1971)	16 marca 2012 — 10 dekembra 2016
		Lodewijk Asscher (1974)	10 dekembra 2016 — 14 januara 2021
		Lilianne Ploumen (1962)	23 januara 2021 — 12 aprilja 2022
		Attje Kuiken (1977)	22 aprilja 2022 — 22 avgusta 2023
		Frans Timmermans (1961)	22 avgusta 2023 — (dnes)