Nerazlučniky (v etimologičnom pravopisu: neråzlųčniky; naučna nazva: Agapornis «ljubovna ptica», od davnogrečskogo αγάπη «ljubov» i όρνις «ptica») sut grupa malyh papugajev, ktora naleži k sěmji Psittaculidae roda Psittaciformes. Jihna prvonačelna teritorija nahodi se na afrikanskom kontinentu i obsegaje krajiny od Etiopije do Kongo, a takože Madagaskar. Tute ptice sut mnogo něžne i dolgo živut v monogamnyh parah. Od XX-ogo stolětja nerazlučniky takože sut popularne v Evropě kako domašnje životne.
