Wp/isv/Maria Skłodowska-Curie
Marija Sklodovska-Kjuri (pol.: Maria Salomea Skłodowska–Curie; 1867–1934) byla francuzska fizička i hemička poljskogo pohodženja, ktora provedla prvoredne raziskyvanja radioaktivnosti. Ona byla prvoju ženoju, ktora dobyla Nobelovu nagradu, prvoju osoboju i jedinovoju ženoju, ktora dobyla ju dvukratno, prvoju osoboju, ktora dobyla Nobelovu nagradu v 2 različnyh naukah. Ona takože byla prvoju ženoju, ktora stala profesorom v parižskom universitetu i v 1995 roku stala prvoju ženoju, ktora byla zakopana v Panteonu v Parižu za svoje zaslugy.
Ona byla rodžena v Varšavě (Poljsko kraljevstvo, Rosijsko carstvo) 7 novembra 1867 goda. Ona učila se v varšavskom podzemnom Lětučem universitetu i načela svoje praktično naučno obučenje v Varšavě. V 1891 roku, v 24 lěta, ona poslědovala za svojeju staroju sestroju Bronislavoju učiti se v Pariž, kde ona dostala svoje vysše stupnje i provedla svoj poslědovateljny naučny trud. Ona dělila Nobelovu nagradu v 1903 roku v fizikě so svojim mužem, Pjerom Kjuri, i fizikom Anri Bekereljem. Ona dobyla Nobelovu nagradu v hemiji v 1911 roku. Umrěla 4 julija 1934 goda v Pasi vo Franciji.
Vněšnje linky
edit- Tutoj članok imaje prěvod iz članka «Marie Curie» v Vikipediji na anglijskom (spis avtorov; dozvoljeńje CC BY-SA 4.0).