Guilded jest platforma VoIP, instantnoj poslanice i digitalnoj distribucije, ktory byl zaprojektovany od Guilded Inc. i vladěny od Roblox Corporation. Guilded jest osnovany v San-Francisko. Koristniki dorazuměvajut se s glasovymi zvami, videotelefonijami, tekstovoju poslaniceju, medijami, faljami v privatnyh čatah ili kako čestah spoločnostij, ktore se nazyvajut "Guildi". Eli Brown osnoval Guilded i on byl služebnik Fejsbuka (Tutčas Meta) i Xboxa. Guilded jest dostupny na tutyh operacijnyh sistemah: Windows, Linux, macOS, Android i iOS.
Guilded jest konkurent Diskorda i glavno susrědotoča o spoločnosti kompjuternyh igr, napriklad na konkurencijnym igranju i E-sportah. On dostavja naměrjene funkcije dlja klanov videoigranja, kak orudja razklada i sjedinjenyh kalendarev. Guilded jest razvity od Guilded, Inc., ktory od 16 avgusta 2021 g. byl nezaležna grupa produktov Roblox Corporation.
Sravnjenje s Diskordom
editGuilded prědlaga bezplatno razne funkcije i funkcionalnosti, ktore ili Diskord ne imaje ili funkcije na Diskordu sut ograničene i potrěbujut Nitro, ktory jest oplačeny abonement Diskorda. Jest několiko prikladov s bezplatnymi funkcijami na Guildedu, medžuvrěmeno na Diskordu bezplatno fajly mogut byti aplodovane po 8 MB, jednako na Guildedu jest tutčas možlivost bezplatnogo aplodovanja po 500 MB dlja vide, avdija, dokumentov i inyh fajlov podpornyh formatov. Dlja obrazov imaje najvysši limit po 25 MB. Jest to ješče možlivo, že jestli podporne fajly obraza imajut SVG, oni mogut byti aplodovane po 500 MB.
Na Diskordu potrěbujete iměti Nitro, da by strimovati HD 1080p i 60 FPS, ale Guilded prědlaga bezplatno strimovanje po 1080p i 60 FPS. Žadna funkcija stvorjenja grup vnutri serverov ne egzistuje na Diskordu, jednako ona jest dostupna na Guildedu. Grupy vnutri servera dějut kako "male servery" v glavnom serveru. To jest velmi koristna funkcija, poneže ujma nepokoj razmetanja i stvorjenja novyh serverov i ulěpša ustrojenje. Egzistuje unikalny kanal Guildeda dlja oglašenij než normalne tekstove kanaly, dekujuči njemu, dozvalja vam stvoriti detaljevane i prijetne posty i da jim znati poslě publično opublikovanja. Drugy unikalny oddělny kanal Guildeda jest to, že specifično obrazy i videa mogut byti aplodovane, koristniki mogut reagovati i napisati komentare pod aplodovanym sodržanjem.
Medžuslovjanske servery na Guildedu
editŽadny oficialny medžuslovjansky server ne jest stvorjeny od medžuslovjanskoj občiny na Guildedu, ale egzistujut 2 servery, ktore sut v medžuslovjanskom, vključno prvy stvorjeny medžuslovjansky server s 9 členami v toj hvilji, nazyva se Zemja Narodnogo Slovjanstva.
Vněšnje linky
edit- Oficialny sajt Guildeda - https://www.guilded.gg
- Medžuslovjansky server Guildeda Zemja Narodnogo Slovjanstva - https://www.guilded.gg/i/EwbgvdWp
- Anglijska versija Vikipedije o Guildedu - https://en.wikipedia.org/wiki/Guilded