Georg Vilhelm Fridrih Hegel (něm.: Georg Wilhelm Friedrich Hegel; 1770–1831) byl němečsky filozof i jedna iz centralnyh osob němečskogo idealizma.
Hegel rodil se v Štutgartu 27 avgusta 1770 goda. Hegelova sistema naleži k najmnogo složenyh v historiji filozofije. Jegovo dělo "Fenomenologija duše" jest jedno iz najvažnějših filozofičnyh děl. Hegelova filozofija jest imala veliky vplyv na razvitje marksizma.
Glavnym elementom v Hegelovoj sistemě jest dialektična myslj. Osnovnym principom jest rěčenje: «Pravdoju jest cělost; a cělostju jest samo bytje, ktoro blagodareči svojemu razvitju dohodi k poslědnjemu zakončenju.» Ta cěla pravda realizuje se posrědstvom protivnyh sobě pravd (teza i antiteza), ktore zajedno dragoju sintezy tvoret pravdu na vysšem uravnju, ktora takože jest čest novoj protivnosti. Osnovna protivnost jest medžu idejeju i prirodoju, ktoryh sintezoju jest pojetje duše. Duša razvivaje se od subjektivnoj duše (indivualnogo člověka) k objektivnoj duše (v historiji, duše světa) k absolutnoj duše (v umětnosti, religiji i naukě). Takym sposobom duša staje svědoma sebe i vračaje se k sobě.
Hegel umrěl v Berlinu 14 novembra 1831 goda.