Wikimedia Incubator

Wp/isv/Електроника МС 0511

< Wp | isv
(Redirected from Wp/isv/Elektronika MS 0511)
Wp > isv > Електроника МС 0511

Електроника МС 0511, такоже знаны как УК НЦ (Учебны компјутер Научного центра) был особны совєтскы учебны микрокомпјутер. Јест чест/дєл КУИТ (Комплект учебној изчислитељној техникы) «Електроника МС 0202». Был изпушчены в 1987 року и изпушчал се до 1992 рока.

Створјены компјутер јест в НПО «Научный центр» града Зеленоград.

На основє УКНЦ будовали се системы управјенја технологичными процесами, телеграфне концентраторы, системы финансового учета, системы проданја билетов желєзничных влаков.[1][2]

Електроника МС 0202

edit

КУИТ «Електроника МС 0202» створјены был за ученја основам информатикы, изчислитељној техникы и повиннены был замєнити КУИТ-86.[3]

УК НЦ јест двумашинова сбирка, ктора складала се из централној и периферијној машин, кторе сут были сјединјене каналом свези.[4] Сбирка складала се из работного/працовного мєста учитеља (централна машина) и до 12 работных мєст учеников, кторе были сјединјене локалноју кољцевоју/округлоју мрєжоју/сєтју. Кажда машина је микрокомпјутер Електроника МС 0511 и колорованы/барвны/цвєтны екран МС 6106 или монохромны МС 6106. Такоже работничско мєсто имало: носитељ даных Електроника НГМД-6022, Електроника МС 5309, Електроника МС 5310; принтер/печетар/тискалник Д-100, Epson FX-800, Robotron CM 6329.01 M.

Програмны софтвер

edit

Система инструкциј КМ1801ВМ2 јест система инструкциј PDP-11, ктора има инструкције разширјаној аритметикы: MUL, DIV, ASH, ASHC.

Инструкције аритметикы FADD, FSUB, FMUL, FDIV реализоване сут програмно. Од того УК НЦ честично сумєстимо с PDP-11 и другыми компјутерами сходној архитектуры и такоже с некторыми компјутерами серије Електроника-60, ДИК (ДВК), БК.

Програмны софтвер содрживаје в собє:

  • Операцијне системы: РАФОС, РУДОС, ФОДОС.
  • Управјајуча програма локалној мрєже за додаванје програм од компјутера учитеља до компјутера ученика чрєз мрєжу.
  • Језыкы програмованја: BASIC, BASIC-86, Pascal, Modula-2, C, асемблер, MACRO-11, РАПИРА, Е-практикум, Lisp, Logo, Prolog, Focal, Forth, Fortran.
  • Програмы: текстове редакторы, електронична табела, учебна система управјенја базами даных (СУБД).
  • Фајловы менеджер: «PAF Commander».
  • Текстове игры: «Королевство Эйфория» («Краљевство Ејфорија»), «Сталкер»[5], «Бармен», «Городки» («Градки») и друге.
  • Графичне игры: «Замок гоблинов», «Hot Line»/«Sokoban», «Кот-рыболов», «Castle», «Garden» и друге.[6]

Книжевност

edit

Журнал «Персональный копьютер УКНЦ» — издавал се в 1994–1995 роках од издатељства «Образование и информатика».

В журналу «Информатика и образование» јествовал раздєл «Клуб УКНЦ».[7]

Източникы

edit
  1. ↑ "Електроника 0511-УДС". Bylo arhivovano iz iztočnika 5 dekembra 2014.
  2. ↑ "Б. Малашевич, Зеленоградске бытове и школне компјутеры. Инициатива покарема изполњенјем". Bylo arhivovano iz iztočnika 3 februara 2012.
  3. ↑ ""КУВТ УННЦ: опытный образец принят" — 06.11.1987". Bylo arhivovano iz iztočnika 30 aprilja 2021.
  4. ↑ "Полосин А.Н., Карпинский Н.Г., Лозовой И.О., Половянюк А.И., Ургант О.В., Дябин М.И. - Учебны компјутер Електроника УК НЦ". Bylo arhivovano iz iztočnika 29 avgusta 2020.
  5. ↑ "Текстова игра - Сталкер". Bylo arhivovano iz iztočnika 12 mareca 2022.
  6. ↑ "Мир игр УКНЦ". Bylo arhivovano iz iztočnika 7 oktobra 2022.
  7. ↑ "УКНЦ журнал" (na russkom). Bylo arhivovano iz iztočnika 21 septembra 2021.

Внєшње линкы

edit

Retrieved from "https://incubator.wikimedia.org/w/index.php?title=Wp/isv/Електроника_МС_0511&oldid=6410619"