Wp/isv/Uruk

Uruk (sum. unug/unuki; akad. Uruk; bibl. Ereh) byl antičny grad v južnoj Mesopotamiji, ležavši nad starym korytom Evfrata, sovrěmenno stanovišče arheologične Varka (tož Al-Varka) v Irakě, ležavše okolo 35 km na izhod od dnešnogo koryta Evfrata i ležavšego nad jim grada Samava.

Arheologično město Uruk v 2008 roku

Soglasno Spisku Šumerskih Kraljev, tut je vladal Kralj Gilgameš (v XXVII věku do n.e.).

Arheologija

Prve prace arheologične v Urukě provodil Villiam Loftus v polu 19. v. V 1912 godu Robert Koldevey, dějuči s ramena Němečskoj Asociaciji Orientalnoj (Deutsche Orient-Gesellschaft), pověril rukovodstvo prac v Uruk Juliusu Jordanu, ktory raněje pracoval s jim v Vaviloně i s Valterom Andrae v Ašur. Toliko jednoj kampaniju arheologičnoj uspěmo završiti prěd načetokom I Světovoj Vojny. Prace podjeto nanovo v 1928 godu i do načetoka II Světovoj Vojny provedono 11 kampaniji arheologičnyh. Rukovoditeljami prac byli Jordan, A. Nöldeke, E. Heinrich i H.J. Lenzen. Prace arheologične nanovo inicializovano v 1953 godu. V godah 1953-67 provodil jim Lenzen, v godah 1967-77 H.J. Schmidt, a od 1980 goda R.M. Boehmer.

Istorija

Stanovišče Varka osedene bylo od konca 5. tys. p.n.e. do časov arabskoj invaziji v 7. v. n.e. Kogda stalo ono osedene, Evfrat i Tigr ne sjedinjali se ješče iz soboju, kak jest sučasno (vpadajut do Buhty Persijskoj ako jedna rěka – Šatt al-Arab), a brěg Buhty Persijskoj ležal okolo 80 km bolje na sěverny zapad čim dnešnje. Samo stanovišče javjalo se na krajině blatnoj, zalivovoj.

Vněšnje linky

• Tutoj članok imaje prěvod iz članka «Uruk» v Vikipediji na poljskom (spis avtorov; dozvoljeńje CC BY-SA 4.0).