Wp/isv/Objem

Objem jest harakteristika prostranstva, ktoro zajmaje tělo. Objem izznačaje se formoju těla i jego razměrom.

Jedinica v MSJ jest kubičny metr (m³). Od njej izhodet ine: kubičny centimetr (cm³), kubičny decimetr ili litr (dm³ ili l) i ine. V raznyh državah jesvujut svoje měry.

V formulah tradicijno koristajut znak V (od lat.: volume — "objem").

Izčisljeńje objema

V dělu objem jest možlivo izčisliti Arhimedovym zakonom, zanurivši těla v vodu: objem izměščenoj vody jest objem těla.

Matematično izčisljeńje

Za izčisljeńje objemov prostyh figur jestvujut osoblive formuly. Objem složenogo těla izčisljajut složeńjem objemov prostyh těl, na ktore jest možlivo razděliti go. Poniž sut formuly za něktore figury:

Figura	Formula
Kub	$V=a^{3}$
Paralelepiped	$V=abc$
Prizma	$V=Bh$
Piramida	$V={\frac {1}{3}}Bh$
Kulja	$V={\frac {4}{3}}\pi r^{3}$
Cilindr	$V=\pi r^{2}h$
Konus	$V={\frac {1}{3}}\pi r^{2}h$

Takož jest možlivo izčisliti objem, znajuči gustost i masu, suglasno formulě $V={\frac {m}{\rho }}$.