Алконост јест рајска птица с главоју красивој дєвчины в старорусскых прєданјах и росијској умєтности. Прєданје об Алконосту јест свезано с прєданјем о птици Сирин, але в разницу од јеј Алконост приноси људам шчестје.
Образ Алконоста произходи из гречского мита о дєвчинє Алкионє, ктора по митам јест обрачана богами в зимородка. Име Алконоста, вєројетно, произходи од рєченја «Алкион јест птица» в булгарском прєводу гречского Хексамерона.
По прєданјам Алконост живе в рају на земји (Вырије), але часом прилєтаје до људскых крајин, абы разгласити дља људиј нєкоје важно посланје. Алконост пєваје натолико лєпо, же кажды очарованы јеј гласом забезпамечаје о всем на свєту. Алконост несе јајца в зимны час на брєгу морја, кторо односи јих в морску бездну. 7 дњев оне лежат на дну морја, а потом двигајут се на поврхњу. В ту седмицу на морју је безвєтрје. Потом Алконост бере и легаје јајца на брєгу. Когда же птаче роджајут се, на морју начинаје се бурја.
В образах глава Алконоста обычајно овєнчаје се короноју. В росијскых образах-лубках Алконоста рысовајут с женскыми грудами и руками, в которых она држи рајскы цвєт или папирны свиток с надписом.
Птицу Алконост споминајут в текстах пєснеј Владимира Высоцкого и Бориса Гребеншчикова.
Внєшње линкы
edit- Tutoj članok imaje prěvod iz članka «Алконост» v Vikipediji na russkom (spis avtorov; dozvoljeńje CC BY-SA 4.0).