ꊉꏲ 大熊猫, ꑍꅝꇙꀕꉬ。ꊈꏲꆹꍏꇩꐋꀋꌡꑵꉬ,ꊈꈈꉬ,ꇫꋦꌠꀀꅉꀋꉬꀋꉆꌠꆏꍏꇩꌧꍧ、ꎮꑭꑠꈭꇍꈬꉘꃅꄷꉬ。2004ꈎꋧꃅꇣꄧꇈꈬꌜꊉꏲꃷꁨꆹ1590ꂷꀋꇈꐥ。ꒆꆹꑟꌠꊉꏲꇭꀧꀊꂥꐨ120-190ꅿꂯ,ꇭꀧꀉꇖꐨ85-20ꄙꇻ,ꂷꅍꌌꋚꎷꒉꋠꌠꐥꐨꇬꄉꄐ。ꊈꂾꀉꇰꃄꄟꊿꋋꉂꐯꊽꉌꃹꃅꐙ,1961ꈎꋧꃅꇬꋌꐛꋌꐙꎆꀨꉼꄻꐛꄮꇬꊉꏲꌌꋍꌐꂷꃅꄉ,ꊉꏲꆹꇯꍝꃅꐥꇐꊪꌠꉗꄻꌠꀋꂿꑘꌠꐛꀐ,ꍏꇩꌌꉇꏮꃅꈧꌠꇬꐮꅉꌠꁧꎁꀋꉬꀋꉆꂷꑌꉬ。ꋧꃅꋌꐛꋌꐙꀧꌋꃅꏓꐊꀊꅪꂓꄀꄯꒉꆏꌌ:ꈔꑍꂯꄉ(EN)ꃅꄉ。2016ꈓ9ꆪ,ꋧꃅꋌꐛꋌꐙꏓꐊꌠꄛꇰ，“ꆽꀠꀋꇊ”ꄉꐈꌌ“ꈔꈝꐮ”ꃅꄉ，ꋋꆹꍏꇩꀉꑌꈎꉗꄻꌤꃅꌠꊌꐨꄇꇖꀕꃅꐥꀐ。
