Pending nya organ ti ngasuh ulih ninga sereta (ba mamalia) seimbang tubuh ngena sistem vestibular. Ba jelu mamalia, pending selalu iya digambarka ngembuan tiga bagi iya nya pending luar, pending tengah enggau pending dalam. Pending luar bisi pinna enggau salur pending. Laban pending luar aja bagi pending ti tampak ba tebal agi jelu, leka jaku "pending" suah nunjukka bagi luar aja.[1] Pending tengah nyengkaum rongga timpani enggau tiga iti osikel. Pending dalam duduk ba labirin tulang, lalu ngundan struktur ti nyadi kunchi ngagai beberapa iti deria: saluran setengah bulat, ti ngasuh ulih ngimbang sereta ngesan mata lebuh mindah; utricle enggau saccule, ti ngasuh ulih seimbang lebuh enda begerak; enggau koklea, ti ngasuh ulih ninga. Alur pending diberesi nengah tai pending, ti sechara semula jadi mindah ngagai auricle (bagi pending ti tampak). Pending vertebrata diengkah bisi simetris mimit ba sepiak-sepiak pala, siti atur ti mantu lokalisasyen bunyi.
| Pending | |
|---|---|
.jpg) Pending mensia | |
| Details | |
| System | Auditory system |
| Identifiers | |
| Latin | auris |
| Anatomical terminology | |
Pending ulih kena empas penyakit, nyengkaum kena rampit sereta pengerusak ketegal trauma. Penyakit pending tau ngujungka enda ulih ninga, tinnitus enggau penanggul timbang baka vertigo, taja pan mayuh ari gaya tu mega tau dikeruga pengerusak untak tauka jalai saraf ti nuju ari pending.
Pending udah diias ngena subang enggau barang kemas bukai dalam mayuh macham budaya pengelama beribu taun, lalu udah diubah ngena chara bebuntas enggau kosmetik.
Malin