Jaku Perancis (le français, la langue française) siti ari raban Jaku-jaku Romawi ti datai ari menua Perancis, Belgium, Luxembourg dan Switzerland. Diatu jaku nyadi jaku indu tauka jaku kedua lebih 300 juta orang ba serata dunya. Jaku Perancis datai ari Jaku Latin Empayar Rom. Jaku tu mega bisi pengaruh jaku Celt ti dikena ba menua Gaul sereta Jaku Jermanik orang Frank.
Diatu, jaku Perancis nyadi jaku resmi 29 bengkah menua, sereta udah nyadi jaku resmi Serakup Bansa-Bansa Besatu enggau mayuh agi serakup entarabansa ke bukai. Serakup la Francophonie nya serakup menua orang ke bekena Jaku Perancis.