Bup Kudus nya siti koleksyen teks tauka bup-bup pengarap, sekeda, semua, tauka varian ari nya dianggap kudus dalam pengarap Kristian, pengarap Judah, pengarap Samaria, Islam, Pengarap Baha’i, enggau pengarap Abrahamik ti bukai. Bup Kudus nya siti antologi (kompilasyen teks ti mayuh macham tukuh) ti asal iya ditulis dalam Jaku Hebrew, jaku Aram, enggau jaku Gerika Koine. Teks tu nyengkaum jaku ajar, cherita, puisi, ramal, enggau genre bukai. Pengumpul kereban ti diterima nyadi sebagi ari Bup Kudus ulih tradisyen tauka komuniti pengarap ti terit dikumbai kanon bup kudus. Orang ke pechayaka Bup Kudus suah agi ngumbai Bup Kudus nya asil ari Roh Kudus, tang chara sida meretika reti nya sereta nerangka teks nya bebida.
