箇隻頁面還冇翻譯嘎。吾架噠隻場。勞為各位路過好心人搭下手是。SSKJRequiem 14:59, 28 October 2008 (UTC) This page has not been translated completely jet. I have taken a short step here. Thanks to you for your help.
| |
| 長沙火車站 | |
| 市政府駐地 | 嶽麓區 |
| 面積 | 11,819平方公里 |
| 人口 - 總人口 - 市區人口 - 人口密度| （2007年） 652.92萬人 202.47萬人 516人／平方公里 | |
| 國內生產總值 - 2007年 |
2179億元人民幣 |
| 方言 | 湘方言 |
| 行政級別 | 省會 |
| 電話區號 | 731 |
| 郵政編碼 | 410000 |
| 車牌代號 | 湘A |
| 市花 | 杜鵑花 |
| 市樹 | 香樟 |
| 市委書記 | 陳潤兒 |
| 市長 | 張劍飛 |
| 城市綠化率 | 32．5％ |
| 城市綜合排名 | 2004年列第19位 |
| 長沙在湖南嗰位置 | |
| |
| 長沙行政區劃 | |
| |
長沙，又喊噠做“星城”，中華人民共和國湖南省亇省會，跍得湘東偏北亇位置。長沙有文字考證得亇歷史3000多年，因屈原跟賈誼亇影響送喊噠做“屈賈之鄉”。長沙又喊做“楚漢名城”，馬王堆漢墓跟噠走馬樓簡牘箇些子重要文物亇出土反映噠其深厚亇楚文化跟湖湘文化亇類子，嶽麓山腳頭亇嶽麓書院是湖南文化教育啲象徵。歷史上出噠好多巴多名人，留咖好多巴多歷史文化遺跡，成為頭批國家歷史文化名城。長沙亇經濟主要是搞第三產業，媒體跟噠娛樂業有名聲，是中南地區亇一隻重要工商業城市。
| 長株潭 | 長沙市、株洲市、湘潭市 |
| 環洞庭湖 | 岳陽市、益陽市、常德市 |
| 大湘西 | 張家界市、湘西土家族苗族自治州、懷化市、邵陽市、婁底市 |
| 大湘南 | 衡陽市、永州市、郴州市 |
歷史 edit
15—20萬年以前，開始有人類在長沙該塊子活動。7000多年前，長沙開始有噠村落。大概子2400年前亇春秋戰國時期楚國侸長沙建城。長沙是中國歷史上跍得同一只地方建城持續最長時間亇城市之一，而今城址一路來冇變，2000多年前亇路跟噠個時季亇巷道還是一隻樣範。侸不同亇歷史時期，長沙送喊得做“臨湘”、“潭州”；唐宋和明清時期，長沙亇經濟跟噠文化達到噠歷史上亇繁榮期。
“長沙”該只喊法最早是記得《逸周書•王會》高頭。關於貢品“長沙鱉”的講古，到而今有3000多年噠。商周時期亇寧鄉縣炭河裡遺址出土亇四羊方尊一類亇青銅器顯得那時季亇長沙地區跟噠中原有一定亇聯繫。長沙大概建噶城有2400多年噠，侸春秋戰國架場，屬於楚國。“長沙，楚之粟也。”楚成王設噠黔中郡，長沙是其轄域。秦始皇統一噠中國，長沙郡是秦36郡中間一隻，個是長沙該只中國行政區劃亇名稱頭回送搞得史冊裡頭。兩漢亇時候，長沙是長沙國亇都城。東漢初期把“長沙國”撤噶噠，搞噠只長沙郡。
三國跟西晉時季，長沙為郡治，屬古荊州。西晉跟噠南北朝亇時季，長沙做噠郡治跟湘州亇制所。
隋前期撤咖噠郡，長沙做噠潭州總管府；後背州送改成噠郡，長沙又送搞得做長沙郡郡治。唐朝亇時季搞噠只潭州治所，屬江南道，江南西道。唐朝五代時季亇長沙窯，興盛噶一氣子，成噠釉下彩架場亇地方。五代十國時季長沙做噠楚國國都，個亦是史上唯一一隻拿噠長沙做都城建立亇國家。
宋時長沙做噠潭州治所。北宋設噠嶽麓書院，把長沙亇文化跟噠教育推得到噠最嬲塞亇時季。元朝1274年送改成噠潭州路，湖廣行省治所。1281年還是潭州路，湖南道宣慰司治所，在湖廣行省；元文宗天曆二年因“天子臨幸”名字送改成噠天臨路，元末又送改成噠潭州府治所。明初送改做長沙府治所，隸屬湖廣布政使司。清朝康熙三年搞噠只“湖南省”，長沙同為長沙府府治跟噠湖南省治。明清時季長沙有四大米市跟四大茶市亇喊法，是中國最要緊亇米市之一。
清朝後背子，曾國藩成為“湖南第一人”，那時季亇長沙府出噶好多中國歷史上頭亇緊要人物，比如講曾國荃、左宗棠、胡林翼該些滅噶太平天國，搞起洋務運動，搞回來新疆，把晚清亇中國噶猛大亇的影響。清朝末年到民國初期，長沙成為緊要亇政治跟革命活動地。戊戌變法亇陳寶箴、譚嗣同，在長沙搞噠只時務學堂。後背子自立軍起義、華興會、公祭陳天華跟姚宏業、瀏萍醴起義、搶米風潮，都是有蠻大影響力亇路情。黃興在清朝末年搞噶一堆亇反清活動，跟搞出中華民國做噶蠻大貢獻。
民國二十二年長沙縣、市分治，設噠只“長沙市”，是湖南省轄市，長沙一直做湖南省會到而今。
長沙在民國時季亦還是一隻中國政治亇革命中心。1911年10月22日，焦達峰、陳作新鄧鬥亇起義新軍光復長沙。1915年，在時務學堂讀書亇蔡鍔搞起噠護國運動。1919年，長沙把一堆五四青年派得法國克勤工儉學，長沙亦是共產主義小組亇成立地之一。毛澤東、何叔衡、任弼時、蔡和森、向警予該些中共早期領導人都在長沙讀書或者搞政治活動。1927年毛澤東發動秋收起義，而且試噠打長沙冇搞得贏，後背他又搞噠只“農村包圍城市”亇方針
1937年長沙發展到噠鼎盛時期，經濟物業繁榮，最開始成為抗戰亇大後方。1938年亇文夕大火成噠最悲慘亇時季，各種歷史文化遺跡怕莫下送搞盡噠。1939年到1944年，長沙是抗日戰爭亇主戰場，中、日以長沙做中心搞噶四回大規模亇戰役，中方搞贏噠頭三回。
1949年8月5日，長沙亇共產黨政權正式架場噠，中華人民共和國建噶國後長沙開始搞重建跟發展。長沙作為中華人民共和國主要創始人之一亇毛澤東早期讀書跟從事革命活動亇地方，送搞噠做革命聖地。改革開放才架場亇1980年代，長沙亇經濟跟沿海城市亇差距開始變大噠；1990年代後期，長沙開始開始快速發展，成為中、西部中間一隻蠻緊要亇城市。
地理 edit
長沙鈷得中國亇中南部亇長江以南地區，湖南省亇東邊偏北。在洞庭湖平原亇南邊跟湘中丘陵盆地搭界亇地方，跟岳陽、益陽、婁底、株洲、湘潭還有江西萍鄉搭界。面積通看有11819平方公里，該中間市區面積892平方公里，市區建成區面積186平方千米。鈷得瀏陽中間亇大圍山七星嶺海拔1607.9米，是轄區中間最高亇地方；嶽麓山亇雲麓峰海拔300.8米，是城區至高點。
湘江為長沙最要緊亇條河，從南邊到北邊貫穿全境，境內長度大概子有75公里。把長沙城隔得做河東跟噠河西兩隻片。河東主要搞商業經濟，河西主要搞文化教育。2001年10月10日，市府從河東藩正街搬得河西觀沙嶺，為噠發展河西亇經濟，平衡長沙兩岸。
地圖座標為東經111°53'－114°5'，北緯27°51'－28°40'，東西走大概230公里，南北走大概88公里。地域東西向亇一條，地貌北、西、南邊為山地，東南丘陵為主，東北以崗地為主；山地、丘陵、崗地、平原大概下占噶四分之一。土壤一般下是板葉岩風化物，亦夾噠紅土、砂礫岩。
長沙是亞熱帶季風氣候，四季分明。春末夏初多雨，夏末秋季多旱；春濕多變，夏秋多睛，嚴冬期短，暑熱期長。全年冇得霜亇時季大概子275天，年平均氣溫16.8～17.2℃，年平均總降水量1422.4毫米。水資源一般地表水，水源有蠻足，年均地表徑流量808億立方米。 除過湘江，還有15條流得湘江亇支流，主要有瀏陽河、撈刀河、靳江跟溈水河。最大亇水庫是寧鄉縣裡頭亇黃材水庫跟瀏陽市裡頭亇朱樹橋水庫。
行政區劃 edit
1912年之前，湖南亇省治、長沙府治、長沙縣治下在長沙。1913年長沙府送撤噶噠，1933年（民國22年）設噠“長沙市”，市、縣分開搞，市設噠區；1959年望城縣並得長沙縣裡頭，亦是在該年子長沙縣送劃得長沙市管轄；1977年長沙縣又送拆成長沙跟望城二隻縣，長沙管中間二隻縣；1983年寧鄉跟瀏陽送劃得把長沙，個後背管亇縣域就冇變過噠；長沙從設市後城市分區變噶蠻多回。根據民政部亇相關統計，到2008年8月31日，長沙有5只市轄區、3只縣，代管1只縣級市，31只鄉、83鎮、53街道。 2012年、望城改縣為區、送計入長沙主城區內。
| 長沙市鄉級行政區劃[1] | ||||
| 縣級行政區 | 街道 | 鎮 | 鄉 | 合計 |
| 芙蓉區 | 12 | — | 1 | 13 |
| 天心區 | 9 | 1 | — | 10 |
| 岳麓區 | 10 | 4 | 1 | 15 |
| 開福區 | 10 | 3 | — | 13 |
| 雨花區 | 8 | 1 | 1 | 10 |
| 長沙縣 | — | 16 | 4 | 20 |
| 望城縣 | — | 13 | 3 | 16 |
| 寧鄉縣 | — | 20 | 13 | 33 |
| 瀏陽市 | 4 | 25 | 8 | 33 |
| 合計 | 53 | 83 | 31 | 167 |
經濟 edit
長沙在改革開放才架場亇時季發展亇速度有點噶子慢，慢慢細細就比沿海城市落後噠。到噠1990年代中間亇時季才發展得快些，GDP從1998年亇542.85億元上升得2006年亇1791億元，大概占噶全省亇五分之一；按戶籍人口算亇話人均18296元；農業生產總值172.07億元，工業總產值1006.06億元，人均可支配收入11029.06元，在中西部城市中間是最高亇。根據第一次經濟普查調噶後亇計算方式，2006年長沙GDP到噶1791億元。社會消費品零售總額743.43億元，頭回子超過噠鄭州在中部經濟區排第二。城市居民人均可支配收入12434元，多噶12.8%。全年全社會固定資產投資881.44億元，多噶31.93%。
第二產業 edit
長沙有兩隻國家級開發區：長沙經濟技術開發區（星沙）跟噠長沙高新產業開發區（河西岳麓區）。長沙經濟技術開發區在長沙縣亇星沙鎮裡頭，投資環境綜合評價指數在中西部16個國家開發區中排第二，該三年子亇GDP每年都多噶33.2%。到噠2005年底，長沙亇21家世界500強企業中間，有韓國LG電子、可口可樂、百事可樂、中糧集團、伊萊克斯、法國達能、法國道達爾、荷蘭飛利浦、日本三菱、德國博世、日商岩井、日本三井物產、易初蓮花，一共13家在星沙裡頭。
長沙捲煙廠是中國最大亇煙草生產商中間一隻，2004年納噶545,514萬塊錢亇稅，在全國所有納稅企業中間排13[1]。日本三菱、德國博世、長豐獵豹、北汽福田該些汽車企業，把長沙搞得成噠中國南方一隻新亇汽車生產基地。伊萊克斯、LG-飛利浦-曙光、日立電器、遠大集團該些亇大額投資，亦讓長沙亇電子製造業開始有點類子噠。而今長沙亇第二產業比重稍微比第三產業低點噶子，發展亇速度比第三產業要高。
第三產業 edit
長沙在中西部城市中間人均收入最高，高收入把消費搞起來噠。從黃興南路步行商業街到五一廣場該一塊，是長沙亇商業核心區域。長沙亇“洗腳城”（足浴按摩店）亇數量跟密度在大中城市遙遙領先，有些人喊長沙做“腳都”。餐飲業亦是一副爆滿亇樣泛，不管是街頭小吃還是酒店排擋，都有一堆的客。家樂福、沃爾瑪、麥德龍跟普爾斯馬特四大國際連鎖超市慢慢細細在長沙有噶一隻跟好多隻分店，有名亇國內或本省連鎖超市新一佳、步步高、家潤多亦跑進來競爭，蘇甯跟國美等電器專營超市都設噶蠻多隻分店。而今皇冠假日跟喜來登都會在長沙新開酒店。在全國傳媒業亦蠻有名，代表是湖南衛視、金鷹節和體壇週報。
中國本土動漫在長沙發展得蠻快，個亦讓政府準備搞成動漫之都。國家廣電總局最先批准搞亇九隻動畫產業基地中，長沙一個人占噶兩家。長沙亦有國家科技部批准亇四隻國家數位媒體技術產業化基地中間一隻（另三地為北京，上海跟成都），而且該只基地是唯一一隻特色是卡通動畫亇國家基地。2005年11月還搞噠長沙卡通藝術節。
經濟合作 edit
長沙是湖南省“一點一線”建設亇核心城市，長株潭經濟一體化亇中心城市，主城區跟株洲市、湘潭市勞共隔噠不到50公里。長沙在該裡搞只“一小時經濟圈”，長沙亦進噠武漢經濟協作區，跟幾隻中部經濟區城市搞經濟合作。湖南亦進噠廣東做龍頭亇泛珠三角區域合作，接受粵港澳三地的經濟輻射跟別亇省份亇合作。
人口 edit
根據寧鄉炭河裡遺址亇文物考古亇推測，長沙在商朝和西周時季外來民族帶噶好多先進文化來。春秋戰國時季亇揚越、楚人，楚亇先民是九黎、三苗，有“群蠻上承三苗之緒，下開長沙武陵”亇港法。在漫長亇歷史長河中，長沙先民一直參與中國民族融合亇大流，逐漸形成噠主體民族——漢族。長沙在歷史中搞噶幾次人口高峰出來，亦送戰亂搞得人煙荒蕪過。比如讲在五代十國亇馬楚時期搞出來亇繁榮，就送末年亇爭權奪勢的鬥爭荒蕪噶噠。兩宋時季長沙發展噶好多人口，但是南宋末年英勇亇抗元鬥爭冇搞得贏又送屠城噠。明朝朱元璋打長沙搞得好多當地居民死噶噠，於是又有“江西填湖廣”亇港法。而今大多數土生亇長沙人下港祖籍是江西，包括劉少奇、胡耀邦該些名人。明清時季長沙人口穩步攀升，到噠民國時期城市人口差不多有30多萬噠。背時亇是“文夕大火”跟長沙會戰搞得長沙又噶只廢墟。抗日戰爭搞完後流亡外地亇長沙人跟其他各地移民到長沙來噶噠，又把長沙建立成噠湖南最大亇城市。
2004年年末戶籍總人口610.38萬人，中間市區人口202.47萬人，非農業人口212.57萬人，農業人口397.81萬人。年末男女性別比為1.06:1，主要民族為漢族。根據2000年第五次人口普查，長沙地區通看有少數民族48,564人，主要是土家、苗、侗、瑤、回、壯和白族。在開福區撈刀河鎮裡頭有只漢回村是長沙唯一一隻少數民族——回族亇聚居地。
長沙人信仰佛教占得多，還有些亦信道教。城內最大亇寺廟是古開福寺，年年子香火下蠻旺盛。另外嶽麓山上頭有只古麓山寺；洪山廟那塊有只洪山寺；甯鄉有只密印寺，下是長沙地區要緊亇廟宇。長沙人亦喜歡擂得衡山亇南嶽大廟克燒香拜佛，一般下是想祈福。在長沙亇維吾爾族跟回族等少數民族信仰伊斯蘭教，而今亦有蠻多年輕人亦信基督教。
人物 edit
先秦以及秦漢時期，長沙離中原偏遠，在楚國亦為南端，是漢文化影響力較弱的地區，直到西漢時還保留非常明顯的楚文化。也因為此，長沙也成為屈原、賈誼等人當時或貶或流放的地方。漢朝建立長沙國後，長沙作為湖南地區的中心城市，文化得到沉澱，也吸引了眾多文人墨客前來長沙。張仲景、黃忠、孫思邈、杜甫、朱熹等人或在長沙長住或影響深遠。長沙多出書法家，歐陽詢、懷素、何紹基以及齊白石的作品讓人稱道。
自清朝末年曾國藩始一直到當代，長沙以及湖南全省開始了人才輩出的時代。在當時的長沙府，湧現了一大批著名人士，對整個中國的近代史現代史產生了非常深遠的影響。如黃興、楊開慧、朱鎔基、田漢等。大部分名人故居和墓葬都得以保存，因為行政區劃的變動，部分被劃入長沙府撤銷後新成立的地市。
當今和平年代，以前軍事家和革命家輩出的長沙，新出的名人逐漸集中到科技、體育、文藝、娛樂媒體方面。如熊倪、劉璿、袁隆平、譚盾、李谷一、龍永圖等。
參見：長沙人列表
注釋 edit
參考資料 edit
- ↑ [https://web.archive.org/web/20080312170537/http://www.hunanmca.gov.cn/ywgzShow.asp?id=1903&Mz_teg=14&MZ_newssort=60
- 部分資料來源於《長沙市志》，1999年1月第一版•ISBN 7—5438—2048—X
- 最新資料來源於《長沙統計年鑒》
- 《王會篇》，《逸周書》
- 司馬遷：《屈原賈生列傳》，《史記》
- 長沙市行政區劃，《中華人民共和國行政區劃簡冊》，2005年
- 謝建輝主編：《中國長沙 留住歷史的文脈》，五洲傳播出版社，2004年6月。
- 溫福鈺主編：《長沙》，《中國歷史文化名城叢書》，中國建築工業出版社，1988年8月
- 長沙窯課題組組編：《長沙窯》，紫禁城出版社，1996年10月
- 《湖南省地圖冊》，湖南省地圖出版社，2006年
- 長沙市人民政府：《長沙概況:歷史沿革》
- 陳先樞：《長沙歷史文化之最》
- 王宏：《世紀夢圓———寫在長沙“六橋三環”全面貫通之時》，《長沙晚報》
- 長沙市統計局：《長沙市2005年國民經濟和社會發展統計公報》
- 湖南省統計局：《2005年湖南省國民經濟和社會發展統計公報》
- 長沙名人，《星辰資料庫》，《星辰線上》
- 湘城人文，《名城長沙》，《星辰線上》
- 歷史風雲，《星辰線上》
- “985工程”院校名單
- “211工程”學校名單
- 長沙市一中奧賽獎牌榜
- 《奧運湘軍—湖南體育》，《27屆奧運會專集》
- 陶公廟廟會
- 美食專題，《長沙裡手》
- 長沙方言詞典，《長沙裡手》
- 五代十國，《中華萬年綱》
參見 edit
外部連結 edit
| Template:Wp/hsn/Portal |  Wikimedia Commons has media related to: |
Template:Wp/hsn/Wikisource |