Wp/hrx/Tilltappes

Tilltappes is en imagineeres Dier, das fun deitsche immigrante in Siedbrasil krieerd waar, fer die Kinner un die unwissene Leit en Schawenack se spiele.

Tilltappes im Hunsrick.

Traditionaal de Kolonie sein nei aankommene immigrante ingelaad waare, in Mondnechte Tilltappes se jachte, wal en seiner Partikulariteet ist, dass er fum Nachtlicht gelockerd werd. Dem Schawernack sein Vitima werd gezeeld, wo en Person in de Waldmitte stehn soll, mit en Funzel un en Sack in de Hand, iwich die annere Jacht eere Mitmacher dorrich die Hecke springe, fer de Tilltappes se ferschrecke un denne se zeige, wo de Sack is. Die Tilltappes gehn am Enn fun sellebst drin de Sack. "Die Schawenacker", oder heest, die Persone wo de Schawenack gefeerd hon, Sie komme hemm un losse dem Schawernack sein Vitima mim Sack in de Hand, bis er bemerrkd, wo er ferspotted waar.

Das Spiel ,,Tilltappes" is aach in de deitschefamilje bekannt, wo dem Imageneere Dier sein Geschicht zeele un die Kinner uff die imageneere Jacht noh ihm in de Feller schicke.

Fisiche Karakteristike

Eulenspiegel.

Die fisiche Karakteristike de Tilltappes varieerd Ort zu Ort. Oft tun sie als kiwi ehnliche Feghel odder als en Aart fun Raat beschriebb.

Naame sein Uersprung

Dem Naame sein Uersprung stammd fun enem Protagonist ausem 16. Joherhunnerd mit de Naame Till Eulenspiegel