Wp/hrx/Engel

En Engel (Lateinisch: Angelus un Griechisch: Ángelos (ἄγγελος), Bott) is en himmlisch odder spirituaal iwernatierlich Wese.

Schutzengel fun Bernhard Plockhorst

In ferschiedne Tradizione, wie de abrahaamisiche Rëlighione, werd-er oft als Bott odder Fermittler zwischich Gott un de Menschheed abgebild. Annre Rolle sin Beschitzer un Feerer fun de Mensche, wie Schutzengel un Diener fun Gott.

In de abrahaamische Rëlighione, werre Engelshierarkïe beschribb, wo noh Rëlighion un Sekt varieere. Etliche Engel hon bestimmde Naame (wie Gabrjel odder Michel) odder Tittel (wie Seraf odder Erzengel). Iwle Engel werre oft gesihn als ausem Himmel ferdribb un werre als gefallne Engel genennd. In fiele fun diese Rëlighione werd de Deivel (odder die Deivel) mit diese Engel idëntifikeerd.

Engel werre in de Kunst oft mit Foghelflitte, Heilichescheine un gettlichem Licht idëntifikeerd. Sie hon normaalerweis die Forrem fun Mensche fun ausergewehnlicher Scheenheed, obwohl das net immer de Fall is. Mannichmol kenne-se uff ferschreckende, unmenschliche Weise abgebild werre.