Wp/hrx/Deitschland

Deitschland (deitsch: Deutschland) is en Land in Mittelëuropa. Es grenzd im Norde aan das Nordmeer, Denemarrik un das Ostmeer, im Osten aan Pole un Tschechje, im Siede aan Eesterreich un die Schweiz un im Weste aan Frankreich, Luxemborrich, Belche un die Nitterlande. Sein sechzen Deelstaate hon en Totaalpopulazion fun iwer 84 Millione Mensche un ener Flech fun 357.588 km², was-es zum populazionsreichste Mitgliedstaat fun de Ëuropäisch Union machd. Die Hauptstatt populazionsgrest Statt is Berlin un sein wichtichst Finanzzentrum is Frankfort. Das grest Urbaangebied is das Ruhergebied.

Bundesrepublik Deutschland
Bunnesrëpublik Deitschland
Faan von Deitschland Bundeswappe von Deitschland Faan Wove
Offiziaalsproch	Deitsch; als Rëghionaalsproch: Nitterdeitsch; als Minnerheedsproch: Denisch, Friesisch, Saterfriesisch, Owersorbisch, Nittersorbisch un Romani
Hauptstatt	Berlin
Rëghierungssitz	Berlin, Bonn
Staatsforrem	parlamentarisch Bunnesrëpublik
Rëghierungssistem	parlamentaarisch Rëprësentativ Dëmokratie
Staatsowerhaupt, zugleich Rëghierungsscheff	Bunnesprësident Frank-Walter Steinmeier
Flech	357.588 km²
Populazion	84.669.326 (31. Dezember 2023)
Populazion Dicht	237 Inwohner pro km²
Wärung	Euro (EUR)
Grindung	1. Januar 1871: Reich FUN Deitsche
Nazionaalhimm	Das Lied fum Deitsche
Nazionaalfeierdaagh	3. Oktover
Zeidzone	UTC+1, MEZ
ISO 3166	DE, DEU, 276
Internet-TLD	.de
Tëlefonforwaal	+49
Laagh fun Deitschland Laagh fun Deitschland
Politisch Kaart fun Deitschland

Deutschland sein Klima is tëmpereerd, das heesd, die Tëmperatuer varieerd im Laaf fum Joher, mit ener Dorrichschnitttëmperatuer fun iwer 10 °C in de wääremste Monate un zwischich -3 un 18 °C in de kalde Monate. Das Land hod die grest Populazion in de Ëuropäische Union un is aach die drittgrest Populazion mit internazionaale Immigrante in de ganz Welt.

Deitschland werd als Grosmacht mit ener staarik Ëkonomie beschribb. Es hod die grest Ëkonomie fun Ëuropa. Als Weltmacht in Industrie, Wisseschaft un Tëknologie is-es de drittgreste Ëxportatoer un Importatoer fun de Welt. Als entwickeld Land bied-s soziaal Sicherheed, en allgemeen Gesundheetssistem un kostelos Hoghschulbildung. Deitschland is Mitgield fun de Fereende Nazione, dem Ëuroparod, de NATO un de OECD sowie Grindungsmitglied fun de Ëuropäisch Union, de G7 un de G20.

De deitsche Naame Deutschland, uerspringlich diutisciu Land („die deitsche Lenner“), kommd fun deutsch (deitsch), wo fum althoghdeitsche diutisc "fum Follek" (fun diot odder diota "Follek") abstammd, wo uerspringlich ferwernnd waar is, fer dem gewehnliche Follek sein Sproch fun Latein un seine romaanische Nohkommer se unnerscheede. Das kommd dann fum protogërmaanische *þiudiskaz "fum Follek" (wo defun aach die latiniseert Forrem Theodiscus kommd), fum *þeudō, abstammend fum proto-indoëuropäische *tewtéh₂- "Follek", wo defun aach das Wort Teutonen stammd.