Do där Artikel odder Abschnitt werd aus «Chile» in de English-Wikipedia iwersetzd. |
Chile is en Land im Weste fun Siedamerika. Es is das siedlichste Land fun de Welt un wo de Antarktis aam dichtest leid. Es erstreckd sich langst enem schmaale Landstreife zwischich de Ande un dem Pazifische Ozëaan. Chile had noh de letst Follekszeelung in 2017 en Populazion fun 17,5 Millione un en Flech fun 756.102 km².[1] Es grenzd im Norde aan Peru, im Nordoste aan Bolivje, im Oste aan Argentinje un im Siede aan de Drakestros. Das Land kontrolleerd aach etliche pazifische Insle, drunner Juan Fernández, Isla Salas y Gómez, Desventuradas un die Oostreinsel, un rëvindikeerd ungefäer 1.250.000 km² fun Antarktis als chilenisch Antarktisgebied. Die Hauptstatt un grest Statt is Santiago un die Nazionaalsproch is Spanisch.
| República de Chile | |||||
| Rëpublik fun Chile | |||||
| |||||
| Waalspruch: Por la Razón o la Fuerza "Dorrich Ferstand odder mit Gewalt" | |||||
| Offiziaalsproch | Spanisch | ||||
| Hauptstatt | Santiago de Chile | ||||
| Staatsforrem | Eenheedrëpublik | ||||
| Rëghierungssistem | Prësidenziaal Rëpublik | ||||
| Staatsowerhaupt, zugleich Rëghierungsscheff | Prësident Gabriel Boric | ||||
| Flech | 756.101,96 km² km² | ||||
| Populazion | 19.100.000 (2020) | ||||
| Populazion Dicht | 24 Inwohner pro km² | ||||
| Wärung | Chilenischer Peso (CLP) | ||||
| Unabhengichkeed | 12. Februer 1818 (fun Spanje) | ||||
| Nazionaalhimm | Puro, Chile | ||||
| Zeidzone | UTC−4 (Kontinentaal Chile) UTC-3 (Magallanes un Antarktis) UTC-6 (Oostreinsel un Salas y Gómez) | ||||
| Kennzeiche | RCH | ||||
| ISO 3166 | CL, CHL, 152 | ||||
| Internet-TLD | .cl | ||||
| Tëlefonforwaal | +56 | ||||
 Laagh fun Chile
| |||||
Spanje hod die Rëghion Mitte im 16. Joherhunnerd konkisdeerd un koloniseerd un hod demit das Platz fun de Inka eerer Herrschaft ingenomm. Es hod awer net das unabhengiche Follek fun de Mapuche besieghd, wo das aktuaal Siedzentraalchile bewohnd hon. In de 1830er, noh de Unabhengichkeedsdëklarazion fun Spanje in 1818, hod Chile sich zu ener rëlativ staavel autoriteer Rëpublik entwickeld. Im 19. Joherhunnerd hod Chile en bedeidender ëkonomischer un territoriaaler Wuchs erlebd. Es hod in de 1880er de Witterstand fun de Mapuche beennd un hod im Salpeterkriegh (1879–1883) dorrich de Siegh iwich Peru un Bolivje sein aktuaal nordlich Territorium konkisdeerd. Im 20. Joherhunnerd, bis in die 1970er, is Chile dorrich en Dëmokratiseerungsprozess gelaaf[2] un hod en schnell Populazionswuchs un en schnell Urbaniseerung erlebd.[3] Demit hod-s zunemmend uff Kupperëxportazion fertraud fer sein Ëkonomie se stitze.[4][5] In de 1960s un 1970er, waar das Land fun ener starrik politisch Polariseerung un Unruh zwischich Links un Rechts markeerd. Das hod zum chilenische Staatsstreich fun 1973 kulmineerd, wo die dëmokratisch geweeld links Rëghierung fun Salvador Allende runnergebrung hod. Druff is en 16-johrich rechtsgericht Militeerdiktatuer unnich Augusto Pinochet gefollichd, wo debei meh wie 3.000 Dode odder Ferschwunne rauskomm sin. De Rëschimm hod in 1990 geennd, noh enem Rëferendum in 1988, un is dorrich en Mitte-Links-Koalizion ersetzd waar, wo bis 2010 rëghierd hod.[6]
Chile is en Entwicklungsland mit ener Hoghinkommeëkomonie un enn fun de ëkonomisch un soziaal staavelste Nazione in Siedamerika. Es feerd in Lateinamerika in Pro-Kopp-Inkomme, Globaliseerung, Friede und ëkonomischer Freiheed. Chile is Grindunsmitglied fun de Fereende Nazione, de Gemeinschaft fun Lateinamerikaanische un Karibische Staate un de Pazifisch Allianz.
Rëferenze
- ↑ "Chile country profile". BBC News. 17 October 2023. Arkiveerd fum Originaale aam 11. April 2023. Abgeruf aam 17 Oktover 2023.
- ↑ "Elecciones, sufragio y democracia en Chile (1810–2012)". Memoria Chilena. National Library of Chile. Arkiveerd fun Originaale aam 6 Juni 2021. Abgeruf aam 20. Juni 2021.
- ↑ "Desarrollo y dinámica de la población en el siglo XX". Memoria Chilena. National Library of Chile. Arkiveerd fum Originaale aam 11. Juli 2021. Abgeruf aam 20. Juni 2021.
- ↑ Salazar, Gabriel; Pinto, Julio (2002). Historia contemporánea de Chile III. La economía: mercados empresarios y trabajadores. LOM Ediciones. 124–125.
- ↑ Villalobos, Sergio; Silva, Osvaldo; Silva, Fernando; Estelle, Patricio (1974). Historia De Chile (14. ed.). Editorial Universitaria. ISBN 956-11-1163-2. 773–775.
- ↑ "Country profile: Chile". BBC News. 16. Dëzember 2009. Arkiveerd fum Originaale aam 14. Januer 2010. Abgeruf aam 31. Dezember 2009.