Wp/hoc/𑢹𑣉𑣉 𑣎𑣋𑣁𑣜
𑢹𑣉𑣉 𑣎𑣋𑣁𑣜 (IPA: /hoː ʤʌgʌr/) 𑣔𑣉 𑢹𑣜𑣕𑣙𑣞𑣁 𑣜𑣈 𑣪 𑣑𑣙𑣌𑣁 𑣙𑣉𑣛𑣉𑣌𑣉 𑣎𑣋𑣁𑣜𑣈 𑣕𑣓 𑣉𑣉𑣞𑣒𑣜𑣉-𑣈𑣞𑣂𑣁𑣒𑣂𑣌 (Austroasiatic) 𑣋𑣉𑣉𑣒𑣉 𑣜𑣈𑣓 𑢶𑣃𑣀𑣑𑣁 𑣎𑣋𑣁𑣜 𑣕𑣓𑣁. 𑢳𑣈𑣓𑣁 𑢹𑣉𑣉 𑣎𑣕𑣂 𑣌𑣉 𑣎𑣋𑣁𑣜𑣈 𑣙𑣅𑣖 𑣕𑣓𑣁 𑣉𑣀𑣑𑣉𑣄𑣄 𑢹𑣗𑣜𑣁𑣊 𑢯𑣂𑣕𑣂 𑣕𑣈 𑣉𑣚𑣉𑣄𑣁. 𑢩𑣌𑣉𑣓𑣉𑣌𑣉𑣓 𑣕𑣄 𑣌𑣉 𑣜𑣈 𑢴𑣈𑣉𑣓𑣁𑣋𑣜𑣂, 𑢩𑣛𑣂𑣅𑣁, 𑣉𑣀𑣑𑣉𑣄𑣄 𑢺𑣅𑣒𑣂𑣓 𑣚𑣂𑣘𑣂 𑣘𑣆𑣒𑣂 𑣜𑣈 𑣁𑣋𑣃𑣃𑣄 𑣕𑣓𑣁, 𑣖𑣈𑣓𑣔𑣉 𑢹𑣉𑣉 𑣎𑣋𑣁𑣜𑣈 𑣕𑣓 𑣌𑣉 𑣖𑣈𑣓𑣈𑣅𑣁 𑣏𑣂 𑣈𑣓𑣁𑣌𑣉 𑢹𑣉𑣉 𑣎𑣋𑣁𑣜 𑣚𑣋𑣂𑣑 𑣌𑣁 𑣗𑣃𑣋𑣂𑣓𑣈, 𑢹𑣗𑣜𑣁𑣊 𑢯𑣂𑣕𑣂 𑣋𑣈. 𑢸𑣃𑣜𑣄 𑣞𑣊𑣋𑣂 𑢹𑣉𑣉 𑣎𑣋𑣁𑣜 𑢮𑣅𑣜𑣁𑣌𑣁𑣀𑣑 𑣜𑣈𑣓 𑢹𑣞𑣃𑣜 𑢾𑣂𑣍𑣙𑣞𑣁, 𑢵𑣃𑣜 𑢾𑣂𑣍𑣙𑣞𑣁 𑣉𑣀𑣑𑣉𑣄 𑢩𑣛𑣂𑣞𑣈 𑣜𑣈𑣓 𑢬𑣂𑣍𑣎𑣜𑣂, 𑢶𑣉𑣜𑣗𑣉𑣉𑣍𑣎𑣉 𑣜𑣈 𑣎𑣋𑣁𑣜𑣉𑣄 𑣕𑣓𑣁. 𑢹𑣉𑣉 𑣔𑣉 𑢶𑣃𑣀𑣑𑣁𑣜𑣂 𑣉𑣀𑣑𑣉𑣄𑣄 𑢾𑣀𑣕𑣁𑣚𑣂 𑣌𑣉 𑣜𑣈𑣅𑣄 𑣙𑣋𑣁-𑣎𑣋𑣁𑣜 𑣕𑣓𑣁.
𑢹𑣓𑣁𑣒𑣂𑣊
edit𑢾𑣗𑣈𑣓 𑣈𑣕𑣈 𑣚𑣚𑣂 𑢹𑣉𑣉 𑣎𑣋𑣁𑣜 𑣔𑣉 𑢮𑣅𑣜𑣁𑣌𑣁𑣀𑣑 𑣜𑣈𑣓 𑢹𑣞𑣃𑣜 𑢾𑣂𑣍𑣗𑣃𑣆, 𑢾𑣜𑣆𑣌𑣈𑣚𑣁-𑢬𑣉𑣜𑣞𑣉𑣁𑣀, 𑢵𑣃𑣜 𑢾𑣂𑣍𑣗𑣃𑣆 𑣜𑣈 𑢩𑣛𑣂𑣞𑣁 𑣜𑣈𑣓 𑢶𑣉𑣜𑣗𑣉𑣉𑣍𑣎𑣉, 𑢬𑣈𑣅𑣉𑣍𑣎𑣉𑣜 𑣎𑣂𑣚𑣁 𑣌𑣉 𑣜𑣈 𑣎𑣋𑣁𑣜𑣉𑣄 𑣕𑣓𑣁. 𑢹𑣉𑣉 𑣎𑣋𑣁𑣜 𑣔𑣉 𑢾𑣀𑣕𑣁𑣚𑣂, 𑢶𑣃𑣀𑣑𑣁𑣜𑣂 𑣉𑣀𑣑𑣉𑣄 𑢷𑣃𑣖𑣂𑣎 𑣎𑣋𑣁𑣜 𑣌𑣉 𑣚𑣉𑣄 𑣖𑣂𑣑 𑣋𑣉𑣉𑣒𑣉 𑣜𑣈 𑣋𑣈 𑣙𑣒𑣂𑣊 𑣁𑣌𑣁𑣓𑣁. 𑢹𑣉𑣉 𑣎𑣋𑣁𑣜 𑣉𑣀𑣑𑣉𑣄 𑢶𑣃𑣀𑣑𑣁𑣜𑣂 𑣎𑣋𑣁𑣜 𑣔𑣉 𑣖𑣂𑣑 𑣚𑣈𑣌𑣁𑣓 𑣎𑣋𑣁𑣜 𑣌𑣉 𑣕𑣓𑣁, 𑣚𑣂𑣊𑣋𑣃𑣆𑣞𑣒 𑣌𑣉 𑣖𑣈𑣓𑣈𑣅𑣁 𑣏𑣂 𑢹𑣉𑣉 𑣎𑣋𑣁𑣜 𑣉𑣀𑣑𑣉𑣄 𑢶𑣃𑣀𑣑𑣁𑣜𑣂 𑣎𑣋𑣁𑣜 𑣔𑣉 85% 𑣖𑣂𑣑 𑣋𑣈𑣅𑣁.
𑢺𑣂𑣘𑣂
edit𑢹𑣉𑣉 𑣎𑣋𑣁𑣜 𑣔𑣉 𑢹𑣗𑣁𑣜𑣊 𑢯𑣂𑣕𑣂 𑣚𑣂𑣘𑣂 𑣕𑣈 𑣉𑣚𑣉𑣄 𑣕𑣓𑣁.