Wp/hil/Miagao, Iloilo

Ang Miagao isa ka primera klase nga munisipalidad sa probinsya sang Iloilo, Pilipinas. Isa ang banwa sa mga munisipalidad sa una nga distrito sang Iloilo.

Ang banwa may yara nga 156.8 kilometro kuadrado nga kalaparon sa iya duta. Halin sa 2010 census, ini may populasyon nga 64,545 ka tawo. Ang zip code sini amo ang 5023.

Ginaselebrar sang banwa ang piyesta ni Sto. Tomas de Villanova sa ika-22 ka adlaw sang Septembre. Ang banwa ang lokasyon sang isa ka popular nga simbahang Baroque sa bilog nga Pilipinas, ang "Simbahan sang Miagao". Ang simbahan nga ini isa ka UNESCO World Heritage Site.

Etimolohiya

An Miagos nga ara sa atubang sg munisipyo sa Miagao. Halin kuno ang ngalan sg banwa sa tanom na ini.

Madamo teorya kun diin halin ang ngalan sang banwa. Isa sa mga pinakapopular kag ang ginatuohan sang kadamoan nga tawo amo halin ang ngalan sang banwa sa tanom nga Miagos. An "Miagos" isa ka nagabulak nga tanom nga nagadako na gid sa lugar sa pag-abot sg mga Kastila. Kay madamo ang tanom sa lugar, ginpangalanan sang mga Kastila ang lugar nga "Miagos". Dayon man nangin "Miagao" ang ngalan sang banwa hasta subong.

May yara man bersyon halin kay Rev. Fr. Lorenzo Torres sang Igbaras nga isa ka tawo ang ara ngalan nga "Miyagaw" ang ginmangkot sg Kastila sa ngalan sang lugar. Kay wala sila kaintiendihan, ginhatag kuno sang tawo ang iya nga ngalan sa nagapamangkot nga Kastila.^[1]