Wp/hil/Magdalena Jalandoni

< Wp‎ | hil
Wp > hil > Magdalena Jalandoni

Si Magdalena Jalandoni (Natawo: 1891 sa Jaro, Iloilo - Napatay: 1978 sa Jaro) ang una nga Filipina nga manogsulat. Sa kadam-an sang iya nga ginsulat (labi pa sa 60 ka nobela, binalaybay, drama, korido kag hinugpong nga sugilanon) sa pulong sang Hiligaynon/Ilonggo nangin permanente ang iya marka sa panitikan ukon literatura sang Filipinas.

Natawo si Magdalena Jalandoni sa Mayo 27, 1891 sa balay sang iya mga ginikanan, didto sa kalye Alvarez (subong Kalye Benedicto) Jaro, sa Cuidad sang Iloilo. Ang iya ginikanan si Gregorio Jalandoni kag si Francisca Gonzaga. Ang iya amay nga si Gregorio ang directorcillo sang Jaro sang namatay sia sa edad sg 25 años.

Manggaranon ang iya pamilya amo na nga waay gid siya kaagi mag-ubra para sa sweldo.

Sang 14 anyos na siya naimprenta ang iya primero nga sugilambong (ukon nobela) nga ginngalanang 'Ang Mga Tunoc Sang Isa Ca Bulac'. Ginahimo niya ini bisan babayi siya kag ang iya ginapangsulan halos lalaki kag sa ina nga tiyempo indi ginaseryosohan ang mga babayi nga manogsulat. Ogani ginabawalan na sang iloy ni Magdalena magsulat, apang sige-sige pa ang iya sulat.

Ang iya nga pinakabantog nga binalaybay 'Ang guitara', ginabasa kag ginaestudua sang mga estudyante at iskolar tubtob sa gihapon. Ang iban niya nga mabantog nga sinulat amo ang sugilanon "Si Anabella", ang mga nobela "Sa Kaapang sang Inaway", "Ang Dalaga sa Tindahan" kag "Ang Kahapon sang Panay".