Juriicha _ Juriichi . Friche (alijunaiki: vísceras de ovejo fritas con cebo o aceite)
Juriichi
Shia wanee, eekülüü, aainjüsü sünainjee shiyülain,sümaa shi'irüku annerü, otta müsia ka'ula. E'itanüsü; sülee , süpana , susoso ,saa'in , so'ooroloin , süliiputche, sumuchetse jee süwüi.
Saainjiapala tü juriichikalü
Palajanaa, o'lojuunusü süka wüin tü shiyülainka süpüla wüleinjatüin shia; süleeka otta müsia tü süwuïkalü o'lojuunusü jee oijünüsü süka wüin jaisü; o'yonojunüsü jouyuwai supushualee, süpüla sujuriichajünüin , suka saüsüka , eesü sujuriichajünüin süka see'ita , cheküsü sujuriichajünüin palajanaa tü susoso, supüla nnojolüin samantüinjatüin shia; O'yotunaka yotchon wúin shira süpüla jawawachoinjatüin tü süleeka jee süwüi , eitanüsü ichii shemetia. O'ulaanüsü sünain poolotuin shia. Motsopa shira, ajuriichijasü shimiiwaa süka saüsü. ekünüsü sünain jain, samatüle shia, aseepüjasü.
Saiwana tü juriichikalü
Ekunüsü jo shia, sumaa wuiirü, yaja, areepa, ai, roo, püla'ana, piruuwa, kineeya a'lakajuushi. Eesia maiwanain shia. Sünain kottirawaa, alapajaa, e'itanüsü areepa a'ajaaushi, ai alakajuushi, otta müsia roo, sa'ato'u.